Popular Bible Verses from James 2

Share

Ukpiġutiqaġniq ikayuġniasuŋaġnagich allat iñuich iḷumutun ukpiġutauŋitchuq, tuquŋaruatun ittuq.

Tavra timitun tuquŋaruatun ilitqusiq piiġman timimiñ, tainnatun ukpiġun tuquŋammiuq anniqsuiñiaŋiññami.

Aniqatiimaaŋ, iñuk uqaqtuaq ukpiġutiqaġnivḷuni aasii anniqsuiñiaŋiḷḷuni allanik, ukpiġutaata anniqsuġumiñaqpauŋ? Ukpiġutaan tainnaittuam annautiyumiñaitkaa.

Tavra uqaqtutin ukpiġnivḷutin atausiunivḷugu God, taamna nakuuruq. Ilitqusiqł̣uitchauq ukpiġigaat taamna, aasii iliŋich uuliksisuurut sivuuġavlutiŋ.

Aglaan iñuk iḷaanni uqallagniaġmiuq iñuŋmun, Ukpiġutiqaqsiññaqtutin aasiiḷi uvaŋa ukpiġutiqaqtuŋa anniqsuiñiaqłuŋa allanik. Tautuktinŋa ukpiġutiŋnik anniqsuiñiaġaluaġnak, uvaŋali anniqsuiñiaġnipkuŋ tautuktinniaġikpiñ ukpiġutimnik.

Qanuq iñuk nagliksralaitchuaq God-im nagliginiaŋiñmigaa isivġiġumiuŋ, aglaan nagliktuun akimaniaqtuq nagliktauruaq isivġiqsaukpan.

Iḷitchuġirusi tasamma iñuum nalaunŋasipkaqtautilaaŋanik savaalluatatigun ukpiġutiłhiñaŋiḷaakun.

Iḷitchuġisitchi ilaan ukpiġivaił̣ł̣ugu God piyummatiqaŋaruq supayauramik God-im piraksriqpani. Taavruma piraŋata nalupqinaiŋagaa ukpiġutiqapiaqtilaaŋanik