Popular Bible Verses from James 4

Share

Aŋalallisi God-im. Akiḷḷiḷiqsuqsiuŋ Tuunġaq aasii pigruġniaqtuq ilivsiññiñ.

Qalliḷaaġitchi God-mun, ilaaptauq qalliḷaaġniaġmiuq ilivsiññun. Piḷuusiqirauruasii, isumalitqigitchi piḷuutiniñ savaaġiŋaravsiññiñ. Ilivsi malġuŋnik isumaqaqtuasii, kamagipiaġataqsiuŋ God. Ukpiŋŋuaqtuaguŋaiġitchi.

Kamanaiġitchi ilivsiññik sivuġaani God-im, aasiiḷi ilaan kamanaqsipkaġniaġaasi.

Aglaan taavrumaŋŋa kipiġniuġunmiñ suaŋałhaaqtuq God-im nagliktuutiqpakun ikayuun aitchuutaa. Taamna pisigivlugu Bible uqaluŋich uqaqtut inna, “God-im akiḷḷiḷiqsuġai kamasaaqtuat, aglaan aitchuiruq nagliktuutiqpaŋmik kamasaaŋitchuanun.”

Kiñaliqaa iḷisimagaluaqłuni nalaunŋaruamik piraksramik piŋiññamiuŋ, ilaa piḷuksiruq.

Apiqsrigaluaġmiraqtusi aitchuusiaqalaitchusi, qanuq apiqsrisuuvlusi killukuaŋaruakun, atuġuqługich ilivsi aliasuŋisaaġutivsiññun.

Ukpiġnaitchuasii iñuich, naluvisiuŋ avilaitqatauniq nunam iñuŋiñun piḷuusiqisuuruanun akiḷḷiḷiqsuutautilaaŋanik God-mun? Tavraasii kiñapayaaq avilaitqatauruaq nunam iñuŋiñun, aŋuyyiruq inmiñik God-mun.

Tainna uqaqtutin nalullaqpich uvlaakuksramik. Suuva iñuutchiñ? Taktugayaatun ittuq sivikitchuami illaktuatun, aasii taktuiqł̣uni.