Popular Bible Verses from 2 Corinthians 6

Share

Piqasiqsuġnagich ukpiŋaitchuat piraġausiŋiññi, qanuq tamatkua nalaunŋaruat iñuich piruksrauŋitchut sunik piḷuusiqirauruat pisuukkaŋiññik, qaummauptauq piqatigiyumiñaiñmagu atautchikun taaqtuaq.

Taapkunatuttauq God-im aŋaiyyuvikpaŋa imaqaġumiñaiñmiuq iñuuraqpaŋmik. Uvagut ukpiqtuaguruaguut God-im aŋaiyyuvikpaŋatun ittugut, qanuq ilaa iñuuruq iḷuptiŋni, Bible-ni uqallausiġmisun inna, “Uvaŋa iñuuniaqtuŋa iḷuŋiññi, suli kukiḷugluŋa akunġanni. Uvaŋa God-iginiaġaanŋa aasiiḷi iliŋich uvaŋa iñugilugich.

Taamna pisigilugu, piqasiqsuġnagich ukpiŋaitchuat piraġausiŋiññi. Avinŋasitchi iliŋiññiñ. Uvaŋa Ataniq piraksriġivsi. Piqqayaanagich pigiitchuat piraġausiŋich, aasii iviġaumaniaqtuŋa akuqtuġlusi. Suli Aapauluŋa ilivsiññun, ilivsiḷiasii uvaŋa iġñiġilusi panigilusiḷu, uvaŋa uqallaktuŋa Ataniq sapiġñaġniqsrauruaq.”

Christ-gum atisiqatigiyumiñaqpauŋ Belial tuunġaq? Naumi. Tainnatuttauq ukpiqtuaguruaq sumik piqasiqsuutiviksramiñik piiñmiuq ukpiŋaitchuamun.