Popular Bible Verses from 2 Corinthians 5

Share

Tavraasii, kiñaliqaa atausiŋŋuqataukami Christ-mun, nutaaġuqtauruq. Taimanisun inŋaiqsuq tavraŋŋaaglaan, qanuq sivulliich piḷġusikaaŋi piiqsut, aasii ilaa nutaaġuqtauvluni suraġaġnipayaamiñi.

God-im Christ piḷuutaiñŋaruaq atausiŋŋuqatigipkaŋagaa piḷuunmun, uvagut atausiŋŋuqatauŋaruaguut Christ-mun, atausiŋŋuqatigiŋagikput God-im nalaunŋataa.

iñuuvluta ukpiġutikun, ilaa tautuaġiŋił̣ł̣ugu.

Iluqaġmi taamna nutaaġuqtauniq qairuq God-miñ, iḷauraaliuqtuamiñ uvaptiŋnik inmiñun Christ-kun, aasii aitchuqłuta savaamik alġaqsruutigitquvlugu ilaan iḷauraaliullatilaani iñuŋnik. Sivuniġigiga Christ tuqqutaagun, God-im iḷauraaliuŋagai nunam iñuŋi, pasiŋaiqł̣ugich piḷuutiŋisigun. Aasii ilaan piksraqtaaġiŋagaatigut alġaqsruutigitquvlugu uqaluksrirrutini iḷauraaliuġnikun God-mik.

Tavra uvagut Christ kivgaġigaatigut, aasii God-im atuġaatigut uqautitquvlusi. Apiġipiaġivsi, Christ arakłipiaġataġmatun ilivsiññik, iḷauraaliutisitchi God-mun.

Iḷiŋavluta tuquqatigiŋaruatun Christ, uvagut tavraŋŋaaglaan uvaptiŋnułhiñaq iñuuŋaiqsuksraurugut aglaan pisilugu Christ tuquŋaruaq aasii aŋipkaqtauvluni pisigivluta. Tavra paŋmapaŋmiñ aglaan, isummatigiŋaiġikput kiñaliqaa qaałhiñamigun qiññaŋaniñ. Qaŋauvlugu isummatigisuuŋagaluaġuptigu Christ iñugruiññatun iḷivḷugu, tainna isummatigillaiŋagikput.

Iluqaisa savaavut pigivut, pisigivlugu Christ piviuttaqqutiqpaŋa uvaptiŋnun. Nalupqigiŋaiŋagikput Christ tuqqurriŋatilaaŋa iñupayaanik, tavraasii iluqaġmiŋ tuquŋarut.