Popular Bible Verses from 1 Corinthians 15

Share

Taamna tainnainman, piviuttaġikkavsi aniqatiit, suaŋasitchi ukpiġutiqaġnivsiññi iḷumun ittuamun, tuniqsimatitchi, ataramik savaurriyumalaaġlusi Ataniġmik, iḷisimaugaġlusi savaurriñiqsi Ataniġmik piuŋiḷauŋisilaaŋanik.

Qanutupayauraq quyyavigiyumiñaġikput God, qanuq ilaan akimapkaġaatigut Ataniptigun Jesus Christ-kun.

Sagluqipkaġnasi iñuŋnun uqaqtuanun tainna. Piqasiqsuutiguvsi ilaiññun maliksugniaqtusi.

Aglaan paŋmapak irrusiġa irrusiġigiga ikayuutaagun God-im nagliktuutiqpaŋan. Ilaan nagliktuutiqpaŋa uvamnun asiḷiqqutauŋaitchuq. Siġġaqutigiłhaaŋagiga alġaqsruiñiq tusaayugaaġiksuamik nallipayaaŋanniñ unnii tilirauŋaruat, uvaŋaġruiññaq piŋiñmigiga aglaan God-im nagliktuutiqpaŋata ikayuqłuŋa.

“Tuqquun, tavraŋŋaaglaan tuqupkaqtuaġumiñaiġitin iñuich. Tuqquun, tavraŋŋaaglaan anniaġumiñaiġitin iñuich.” Tuqqutim anniaġaatigut qanuq uvagut piḷuksiŋavluta, aasii pitqurat iḷisaurriruat uvaptiŋnik piḷuutim suutilaaŋanik, pasiyumiñaiġaatigut suksraunġiqsautquluta.

Uvva uqallautigivsi kaŋiqsiñaiñŋaruamik qaŋapak. Tamatkiġḷuta siñigniaŋitchugut tuqqunmi, aglaan uvagut iluqata allaŋŋuqtauniaqtugut, akkupauraq, sukałhaaġluguunnii iñuum siqunġipaŋniŋaniñ, nipauqłuktaun nivliqpan nuna isukłitpan. Qanuq nipauqłuktaun nivliġñiaqtuq, aasii tuquŋaruat aŋipkaqtauniaqtut tuqutqikkumiñaiġḷutiŋ, aasii allaŋŋuqtitauluta.

Tavra iñuum atautchim iñuich tuqqusiqsinmagich, allavlivsauq iñuum tuquŋaruat aŋipkaqtitaullasigai. Qanuq iluqaġmiŋ Adam kiŋuniŋi tuquruksraurut, aglaan iluqaġmiŋ atausiŋŋuqatauruat Christ-mun iñuggusiqsauniaqtut.

Qanuq una maqulisuuruaq irrusiq simmausiqsuksrauruq maquliyumiñaitchuamik irrutchimik. Una tuqusuuruaq irrusiq simmausiqsuksrauruq tuqulaitchuamik irrusiñigluni.

Christ umialguniaqtuq-suli akiiḷiḷġataġlugich iluqaisa uumigirini. Aqulliq uumigiri akiiḷirauniaqtuaq tuqqun.