Popular Bible Verses from 1 Corinthians 14

Share

qanuq God pipkairuaguŋitchuq piallagniġmik aglaan atiugaġniġmik. Tamatkunatun ilaaguaqtauruatun God-mun allani inini aŋaiyyuliaqamiŋ piḷġusiatitun

Piviuttaqsriñiq allanik iñuŋnik kipiġniuġutigiłhaaqsiuŋ supayaamiñ. Aasiisuli kipiġniuġutigipiaġmiḷugich aitchuutiŋi Ilitqusiġiksuam, kipiġniuġutigiłhaaġlugu aitchuusiaqaġniq uqaqtauniġmik God-mun.

Aglaalli iñuk uqaqtauruaq God-mun kaŋiqsiñaqtuamik uqaqłuni suaŋasiḷaaġiruq iñuich ukpiġutiŋiññik, qapiŋaisaaqługiḷḷu suli arakługich.

Iñuk uqaqtuaq kaŋiqsiñaitchuamik uqautchimik nalukkaġmiñik, suaŋasiḷaaqtuq inmiñun, aglaalli uqaqtauruam God-mun suaŋasiḷaaġai aŋaiyyuliqiruat.

Tainnatuttauq ilivsi. Kipiġniuqtuagukavsi piqaġumapiaqłusi Ilitqusiġiksuam aitchuutiŋiñik, apiqsrivigisiuŋ aitchuusiaqaġuglusi nakuuniqsrauruanik, tamatkuniŋa aitchuusianik anniqsuutauyumiñaqtuanik aŋaiyyuliqiruanun.