Popular Bible Verses from 1 Korinto 14

Share

Gaꞌi bayaꞌ Tuhanin bang sasew dem pagtipunanten bi saguwaꞌ kabayaꞌannen weꞌ magsulut-sulut kite bi. Duk iye addat si meꞌ pagtipunan meꞌ masandel pu si Isa Almasi si meꞌ kalahat-lahatanin

Iye subey inapasbi teꞌedin, malasa si pagkasibi. Duk subey isab kaꞌam ngapas meꞌ kapandeyan amban Niyawa Tuhanin, lagiꞌ ne kapandeyan magpalataꞌ bissā Tuhanin.

Saguwaꞌ aꞌa magpalataꞌ bissā Tuhanin missā iye si meꞌ saweꞌnen, hangkan makabasag sandelden duk makaꞌasig ateyden duk makapahemokan siye.

Aꞌa mamissā si bissāhan manggaꞌi tasabut weꞌ meꞌ aꞌahin, ateynen hadja inasignen, saguwaꞌ aꞌa magpalataꞌ bissā Tuhanin, asig weꞌ ne atey kēmon meꞌ pagkasine masandel pu si Isa Almasihin.

Na, peggeꞌ mabayaꞌ teꞌed kaꞌam weꞌ kaꞌurungan kaꞌam kapandeyan weꞌ Niyawa Tuhanin, subey gunahun bi teꞌed meꞌ kapandeyan makabasag sandel meꞌ masandel pu si Isa Almasihin.