Popular Bible Verses from 1 Korinto 15

Share

Hangkan hep meꞌ kapungtinaꞌihanku kinalasahankun, patetegun bi sandelbin pu si Isa Almasi duk daꞌa kaꞌam usaꞌ amban iye. Tuyuꞌanun bi teꞌed maghinang si iye peggeꞌ kataꞌuhanbi weꞌ magjatu du kēmon hininangbi para si iyehin.

Saguwaꞌ hadje pagsukulte bi si Tuhanin. Peggeꞌ sabab tahinang Isa Almasi, Panuhutanten bi, gaꞌi kite subey tinalew matey peggeꞌ pinuwasan weꞌ ne duseten bi.

Daꞌa kaꞌam salaꞌ si pamikilbin. Bang kite magsaweꞌ duk aꞌa laꞌat, katimboꞌohan isab kite maghinang laꞌat.

Saguwaꞌ sabab lasa duk aseꞌ Tuhan si akuhin hangkan ku kuweꞌ inin, kawakilan weꞌ ne magmahalayak lapalnen. Duk niyaꞌ isab kaꞌujudan lasa duk aseꞌ Tuhan si akuhin. Duk iye kaꞌujudannen, amban kēmon bakas kawakilan Isa Almasihin, gaꞌ niyaꞌ maghinang pabasag amban aku. Saguwaꞌ kēmon tahinangkun dumaꞌin amban basagku, saguwaꞌ weꞌ tabang Tuhan si akuhin.

Gaꞌi ne kite magkaꞌat bang kite matey. Gaꞌi ne kite tinalew matey peggeꞌ gaꞌi ne kite ilegga. Hangkan meꞌ aꞌahin tinalew matey peggeꞌ kataꞌuhande weꞌ ilegga siye sabab duseden. Duk hangkan dusehin subey ilegga peggeꞌ bang magduse aꞌahin kalanggalanne saraꞌ Tuhanin.

Pakale kaꞌam. Niyaꞌ akaku si kaꞌam bakas tinapuk weꞌ Tuhanin bu kuweꞌitu pinakitaꞌu ne weꞌ ne si aku. Kite bi meꞌ masandel pu si Isa Almasihin, niyaꞌ kite bi gaꞌi matey saguwaꞌ bessuwang hadja pinda baranten bi kēmon. Asal lakkes du inin, dem da kilep mata hadja. Bang daꞌak Tuhanin ne pinahelling kuweꞌ tabuliꞌin, kēmon bakas mamatey masandel pu si Isa Almasihin bessuwang pinakellum balik duk gaꞌi ne siye matey balik. Duk kite bi maꞌellumin, baranten bi kēmon pinda ne.

Sabab duse dambuwaꞌ aꞌa, si Apuꞌ Adam, kēmon manusiyaꞌin ujud matey. Damikkiyan sabab hinangan dambuwaꞌ aꞌa isab, si Isa Almasi, kēmon pateyin ujud pinakellum balik. Kēmon aꞌahin ujud matey peggeꞌ tubuꞌ Apuꞌ Adam siye. Damikkiyan isab kēmon sukuꞌ pu Isa Almasihin pinakellum du balik si pasōngan.

Peggeꞌ barante bi ujud mamatey inin subey ne pinindahan duk ne baranten bi gaꞌi matey-matey saguwaꞌ ellum ne salama-lama.

Peggeꞌ garaꞌ Tuhanin weꞌ magbayaꞌ pe dahuꞌ Almasi samantaꞌan gaꞌi pe tadaꞌag weꞌ ne kēmon bantanen. Bang tadaꞌag ne kēmon bantanen, gaꞌi ne matey manusiyaꞌin.