Popular Bible Verses from Koloosi'en 2

Share

Jo'oni nde njaɓɗon Yeesu *Almasiifu laatoo Jawmiraawo mooɗon, tokkee mo. Ɗisee e ma'ako, noon no ɗaɗi lekki ɗisortoo e lesdi. Mahee yonkiiji mooɗon e ma'ako, cemmbiɗee nder goonɗinki mooɗon, noon no ɗum ekkitiniri on. Ngettee Allah wakkaci fuu.

Kakkilee, to' goɗɗo estir on anndal ndu'u duuniyaaru, waɗa on celon laawol goonga. Iri anndal ngaal no meherewal, ngal majjiney on tan. Anndal ngaal ivii e finaatawaaji ɓiɓɓe-aadama e *ginnaaji jogiiɗi baawɗe nder duuniyaaru. Ngal ivaay to Almasiifu.

On laatinoo maayɓe sabu boofi mooɗon, e gam on laataakino yimɓe Allah. Ammaa jo'oni o hokkii on yonki sabu kawtal mooɗon e Almasiifu, o ya'afanake en hakkeeji meeɗen fuu. O seekii ɗereewol nyamaande hakkeeji meeɗen ɗi o nanngiri en. O ittanii en ngol wakkaci ɗum Almasiifu ɓilaa dow *gaafagal.

Gam nder ɓanndu Almasiifu, gikku Allah e baawɗe muuɗum fuu tawetee. Onon on keɓii koo ɗume sabu kawtal mooɗon e Almasiifu, kanko hooreejo koo nguye laamu e baawɗe fuu.

Gam ma'ajum, to' on ngoor goɗɗo felda on ko nyaamoton e ko njaroton, koo gam on mbaɗaay juulɗe diina e juulɗe darorɗe lewru e *nyannde-fooftiinde. Ku'uje ɗeen fuu ɗum nanndi ko warata ɗo'o yeeso tan, ammaa goonga ma'aje woni Almasiifu.