Popular Bible Verses from Koloosi'en 1

Share

O vurtinii en nder baawɗe niɓre, o nattinii en nder laamu *Ɓiyiiko giɗaaɗo.

E ma'ako Allah tagiri koo ɗume, ko woni dow e lees, ko yi'etee e ko yi'ataake, malaa'ika'en e koo ɗume ko jogii laamu e baawɗe. Gada e ma'ako ɗum fuu ɗum tagiraa, gam ma'ako boo ɗum tagaa.

Emo woodi ila walaa ko tagaa. Gada e ma'ako koo ɗume fuu jogootiri.

*Almasiifu woni nanndi Allah mo yi'ataake. Kanko woni afo, ɓurɗo koo ɗume ko tagaa.

Gam ma'ajum minon boo, gada nyannde nde min nani habaru ɗuum, min ngooraay waɗango on do'aare. Emin toroo Allah hebbina on anndal e fahamu ɗum Ruhu ma'ako hokkata, faa anndon ko woni nyumo ma'ako. Noon mbaawroton waɗgo foofaango haandanngo goonɗinɓe Jawmiraawo, laatooɗon velooɓe mo nder koo ɗume. Foofaango mooɗon holla koo iri ɗeye kuuɗe booɗɗe. Noon ɓesdirton anndugo Allah.