Popular Bible Verses from 1 Yahayya 4

Share

Kulol walaa nder yiɗde, gam yiɗde goongaare no laggey kulol. Kulol e hawti e ceri'a, kulɗo boo, yiɗde Allah heevaay nder muuɗum.

Ɓikkon am, onon on yimɓe Allah, on njaalake fevooɓe ɓeen, gam Ruhu gonɗo nder mooɗon ɓuri ruhu gonɗo nder duuniyaaru semmbee.

Enen, en ngoodi yiɗde, gam Allah aarti yiɗgo en.

Yiɗaaɓe am, ngiɗngiɗtiremma gam yiɗde to Allah ivoyi. Goonɗo yiɗde e laatii ɓiɗɗo Allah, e anndi Allah boo.

Mo walaa yiɗde anndaa Allah, gam Allah e hoore muuɗum o yiɗde.

Raa no yiɗde Allah va'i : naa enen ngiɗi Allah, ammaa kanko yiɗi en. Nder yiɗde ma'ako o liloyii Ɓiyiiko faa hokka yonki muuɗum sadaka gam hakkeeji meeɗen nja'afee.

Yiɗaaɓe am, to noon Allah yiɗiri en, e haani enen boo ngiɗngiɗtiren kama noon.

Raa no Allah holliri en yiɗde muuɗum : o liloyii Ɓiyiiko Bajjo nder duuniyaaru, gam keɓren yonki gada e ma'ako.

To goɗɗo vi'ii e yiɗi Allah, ammaa e wanyi banndum, o pevoowo. Gam mo yiɗaay banndum mo yi'ata, waawataa yiɗgo Allah mo meeɗaay yi'igo.

Caaydiiɗo Yeesu woni *Ɓiɗɗo Allah fuu, Allah no jooɗoto nder ma'ako, kanko boo emo jooɗii nder Allah.

Raa dooka ka keɓɗen to Almasiifu : giɗɗo Allah fuu, sey yiɗa banndum boo.

Yiɗaaɓe am, to' on ngoonɗin koo moye biiɗo e woodi *Ruhu Allah, ammaa ngodee mo, kul ɗum goonga Ruhu Allah e nder ma'ako, koo walaa nder ma'ako. Gam annabo'en fevooɓe ɗuuɗɓe cankitake nder duuniyaaru. Biiɗo Yeesu *Almasiifu warii laatake neɗɗo, oon kanyum woodi Ruhu Allah.

Ammaa mo saaydiniraay Yeesu noon fuu, Ruhu Allah walaa nder muuɗum. Ruhu gonɗo nder ma'ako ivoyii gada ganyo Almasiifu. On nanii habaru garol ganyo-Almasiifu. Jo'oni emo nder duuniyaaru.