Popular Bible Verses from 1 Yahayya 3

Share

Ɓikkon am, to' yiɗde meeɗen laato nde konnduɗe tan, ammaa ngiɗremma yiɗde goongaare vanngeynde nder kuuɗe booɗɗe.

Raa no anndirɗen ko woni yiɗde : *Almasiifu hokkii yonki muuɗum gam meeɗen. Gam ma'ajum enen boo, e haani kokken yonkiiji meeɗen gam banndiraaɓe meeɗen.

Ndaaree manngu yiɗde nde *Baabiraawo yiɗi en, faa en noddaama ɓiɓɓe Allah. Noon boo laatiiɗen. Ndu'u duuniyaaru anndaa en, gam ndu anndaa Baabiraawo.

Baɗoowo hakke fuu no ɓii *Ceyɗaan, gam Ceyɗaan e waɗa hakke ila fuɗɗam. Kanjum waɗi *Ɓiɗɗo Allah wari, gam halkugo kuuɗe Ceyɗaan.

Laatiiɗo ɓii Allah fuu yahataa yeeso e waɗgo hakke, gam Ruhu mo Allah waɗi nder ɓernde ma'ako oon e jooɗii nder ma'ako. O waawataa o tokka waɗgo hakke, gam emo laatii ɓii Allah.

To goɗɗo diskuɗo yi'ii banndum e nder ciya, ammaa hokkoraay mo, noye o vi'irata yiɗde Allah e nder ma'ako ?

Tokkuɗo dookaaji Allah e jooɗii nder Allah, Allah boo e jooɗii nder ma'ako. *Ruhu Ceniiɗo mo o hokki en, kam hollata en Allah e jooɗii nder meeɗen.

Mo huwataa goonga, e mo yiɗaa banndum fuu laataaki ɓiɓɓe Allah, kanjum senndindirta ɓiɓɓe Allah e ɓiɓɓe Ceyɗaan.

Habaru ɗum nanɗon ila fuɗɗam woni ngiɗngiɗtiren.

Banndiraaɓe am, to duuniyaaru wanyii on, to' ɗum haayno on.