Popular Bible Verses from Sua Tutŋana 28

Share

Tomtom ta so iwatkaala sanaana kini, na mboti kini ko irao ambai kat na som. Mi sombe tomtom sa iswe sanaana kini mi izem, nako Anutu leleene isaana pini mi imuŋai i.

Tomtom ta so ipase pa itunu, na ikankaana kat. Mi tomtom ta so itoto zaala ki ŋgar ambaiŋana, na pataŋana sa ko irao ipasaana kati na som.

Wal sananŋan mbulu kizin, ta ipakoikoi zin. Tana tomtom tiketoto zin som, mi tikowo len sorok. Mi wal ndeeŋeŋan na, timototo som. Timendernder mbolŋana kembei ta laion.

Tomtom ta so imototo Anutu mi mataana iŋgalŋgal itunu, nako leleene ambai mi kampeŋana ki Anutu imbotmbot se kini. Mi tomtom ta so ŋgar kini imbolmbol se pa mbulu ki zooroŋana, na ni ko indeeŋe pataŋana.

Tomtom ta so irairai koroŋ kini pakan pizin wal sorrokŋan, nako irao iru zalaana pa koroŋ sa som. Mi tomtom ta so irre zin men, mi iuluulu zin som, nako tigiibi sua sanaŋan boozo pini.

Nu sombe yaamba tomtom sa bekena pazali, na kaimer ni ko leleene ambai pu ma ilip pizin wal ta kwon imbesmbeeze pini sorok na.