Popular Bible Verses from Sua Tutŋana 29

Share

Mbulu ki tomototo zin tomtom ko iwe kilis piti. Mi tomtom ta so ipase pa Yooba, na Yooba ko mataana pini mi imboro i ma imbot ambai. Irao koroŋ sa ipasaani na som.

Sombe Anutu kwoono bizin tizzwe sua kini som, nako tomtom timaŋga mi tikam mbulu bozboozo. Pa koroŋ sa be iyaraama zin mini som. Mi tomtom ta so mataana iŋgalŋgal tutu ki Anutu mi itoto, nako leleene ambai mi kampeŋana ki Anutu imbotmbot se kini.

Wal kankaanaŋan ta tizorzooro na, tirao be tiyaraama keten malmalŋana kizin som. Tizzwe ma imbot mat. Mi tomtom ta le ŋgar ambaiŋana na, ni iyaramraama itunu.

Sombe tabalis zin tomtom mi tapazal zin, nako tikam len ŋgar ambaiŋana. Mi sombe tezem pikin sa ma inoknok mbulu sananŋana, na kaimer ni ko ipamiaŋ naana.

Pazal lutum. Naso lelem ipata som mi mbotmbot raama menmeenu. Pa ni ko ikamu ma lelem ndabok kat.

Mbulu ki tapakurkur itundu ko ikam ti ma kanda miaŋ. Mi sombe tomtom sa ikototo itunu mi imbesmbeeze pizin tomtom, ina zaala tabe zaana iwe biibi.

Tomtom ta so keteene bayouŋana, nako ipeyei ŋoŋi boozo, mi itunu ikamam sanaana boozo.

Wal kankaanaŋan ta tizorzooro na, ipata pizin be titooro mbulu kizin. Mi tomtom ta so ikam kat ŋgar som, mi iwirri sorok sua, nako ipata kat pini be itooro mbulu kini.