Popular Bible Verses from Sua Tutŋana 27

Share

Sombe totwooro buza, na tere ka pail ta tiurpe pa ain na. Pa ain men ta irao ikam uraata pa ain. Mi ina raraate men piti tomtom. Bela taparuluulu iti pa ŋgar mi taparpazalzal ti, tona takam ma mbulu kiti iŋgeeze.

Koroŋ tabe kam pa kaimer i, na pakur itum pa pepe. Pa mbulu tabe ipet i, ina nu ute som.

Kom koi, ni irao ikam mbulu ambaimbaiŋan boozomen pu, bekena ipakaamu mi ikam lelem. Mi torom ŋonoono ta iurur kat leleene pu, na ni ko iyaamba katu mi ipazalu.

Iti sombe lelende be tere ruŋgundu, na titiiri itundu ila yok. Mi sombe lelende be tuute iti tomtom pareiŋanda, na tere mbulu tau tomtom tikamam piti na. Pa ina iswe iti.

Sombe wal pakan tiwe kwom mi tipakuru, ina ambai. Mi nu na, kam mbulu pakurŋana ma wit itum urum pepe. Pa ina mbulu ambai som.

Waende sa isombe ikam ŋoobo mbulu mi iti tuur kat leleene pini, na tamaane pepe. Mbulu ki tozzo katkat sua pizin tomtom mi tapazalzal zin, ina ambai ma ilip.

Sombe kusindi bizin tinoknok zooroŋana mi tiŋoŋooŋo, inako tikam ma mbotŋana kiti isaana, kembei ruumu ta ka kooto sumbunsumbun, mi yaŋ itoptop su ruumu leleene na.