Popular Bible Verses from Sua Tutŋana 22

Share

Paute lutum pa zaala tabe ito i. Naso itum raama ŋgar ambaiŋana, mi ikiskis ma irao iwe kolman. Irao izem na som.

Iti sombe tokototo itundu, mi tomototo Yooba mi teleŋleŋ la kalŋaana, nako lende koroŋ boozo, mi urundu ambai, mi mbotŋana kiti ambai.

Tomtom lelen pa gol ma silba mi koroŋ ndabokbokŋan pakan. Tamen sombe urundu ambai mi tomtom lelen piti, ina ilip kat pa koroŋ ta boozomen tana.

Tomtom ta so leleene tataŋa mi keteene malmal karau men, na we toroono pepe, gabgaabi pepe. Kokena ikeske u pa mbulu kini, to iwe kilis pu.

Tomtom ta mata merereŋana, nako indeeŋe kampeŋana. Paso irairai kini mi koroŋ kini pakan pizin wal sorrokŋan.

Tomtom ŋgarŋana, ni irao iur itunu ila zaaba kwoono sorok na som. Sombe ikilaala kembei pataŋana sa be ipet, na loŋa men mi iru zaala be iko pa. Mi zin wal ta len ŋgar biibi som na, tikilaala som. Tila men. Tabe tindeeŋe pataŋana.

Wal sorrokŋan tileŋleŋ la zin mbio uunu kalŋan. Irao tizooro zin na som. Mi tomtom ta so ikam mbun, nako iwe kembei mbesooŋo sorok pa tomtom ta iuuli na.

Yooba iur tomtom ta boozomen raraate men. Zin mbio uunu ta len koroŋ boozo, mi zin wal ta sorrokŋan na tomini.

Ŋonoono, wal sorrokŋan, len mburan biibi be tiporoukaala zitun som. Tamen nu irao pamoto zin sorok mi kem koroŋ kizin pepe. Mi sombe timender pa sua, na koto zin sorok pepe. Tiiri kat sua kizin, mi urpe ma indeeŋe men. Pa tomtom sa isombe iyo sorok koroŋ kizin wal sorrokŋan, na Yooba itunu ko imender pizin mi itatke koroŋ kizin tana pini.