Popular Bible Verses from Sua Tutŋana 21

Share

Tomtom ta so ikamam kinkiini be ito zaala ndeeŋeŋana mi iurur leleene pizin tomtom, nako ikam mbotŋana ambaiŋana, mi zaana iwe biibi, mi iwe tomtom ndeeŋeŋana.

Zin wal ta tikamam kat uraata raama ŋgar na, uraata kizin ilonloondo ambai mi iurur ŋonoono. Mi zin wal ta gorgori tirru zaala be tindou len koroŋ boozo karau men, na uraata kizin ko iur ŋonoono som, mi tisu ma timbot ŋoobo.

Sombe lelem be pataŋana ikamu som, na motom iŋgalŋgal be mboro kat kwom!

Iti tomtom tendemeere kembei mbulu kiti ta boozomen indeeŋe men. Mi Yooba, ni itirtiiri lelende ma iute kat.

Sombe malmal sa be ipet, nako taparaŋraŋ lende mburu malmal kana. Mi tilip, som tilip som, ina koroŋ ki Yooba. Ni itunu ta imborro.

Sombe takamam mbulu ndeeŋeŋana men mi tuurpewe pataŋana kizin tomtom, na Yooba leleene pa mbulu ta kembei ma ilip pa patoronŋana matakiŋa ta tomtom tikamam pini na.

Ŋgar sa, som sua sa, som koroŋ toro sa irao ilip pa Yooba na som.

Tomtom sa isombe izeeze talŋaana pa tiŋiizi kizin wal ta timbotmbot raama pataŋana na, kozo ire i. Pa kaimer sombe itaŋroro pa le ulaaŋa sa, nako irao tileŋi na som.