Popular Bible Verses from Sua Tutŋana 23

Share

Pikin ta so ikamam mbulu ndeeŋeŋana, nako tamaana menmeeni biibi pini. Mi sombe ikam le ŋgar ambaiŋana, nako tamaana leleene pini ilip.

Nu lem ŋgar. Tana pun kat mburom be we mbio uunu pepe. Ŋonoono, nu lelem be kam koroŋ boozo. Tamen yaraama itum.

Naso mbot ambai, mi koroŋ ambaiŋana ta urur motom pa i, nako kam.

Zin wal ta mbulu kizin irao pa Anutu mataana som na, motom berber pizin pepe. Zoŋ ise ma ila zoŋ isula na, mototo Yooba mi leŋleŋ la kalŋaana.

Sombe lutum sa ikamam ŋoobo mbulu, na leeli pepe. Kam ke mi balisi pa bekena pazali. Kam ŋgar boozo pepe. Ni ko irao imeete na som.

Sua pazalŋana ta so tikam pu, na kiskis ma imbol la lelem. Mi sua ta izzwe ŋgar ambaiŋana na, ŋgungun talŋom pa.

Pa koroŋ boozomen ta tomtom tindoundou isu toono na, ina imapmap karau men. Ina kembei koroŋ ta terre la pa, mi matanda kolom na, ila ne kek. Nu so koroŋ ku tana ko imbotmbot ma molo? Som. Ko kembei ta manboŋ. Itir begeene na, irie ma ila ne kek!

Tomom ta iuru. Tana leŋleŋ la kalŋaana. Mi sombe nom iwe kolman ma isaana, na motom pasomi pepe.