Popular Bible Verses from Sua Tutŋana 20

Share

Sombe tomtom sa ikam mbulu sananŋana pu, na kam ŋgar be pokot pepe. Zem la Yooba namaana, mi ni ko iuulu u pa pataŋana ku tana.

Yooba ta ikamam peeze pa pai kiti. Mbulu tabe ipet piti pa kaimer i, na asiŋ iute? Tomtom sa som. Yooba itutamen ta iute.

Mat ki Yooba ta iyaryaara piti, mi izzwe ŋgar kiti turkeŋana ta imbotmbot sula lelende.

Iti tomtom lelende, ina kembei yok ta ka li biibi. Pa ŋgar ta imbotmbot sula na, ka uunu biibi mi turkeŋana. Mi tomtom ŋgarŋana na, ni iute zaala tabe ikam ti ma teswe ŋgar kiti turkeŋana ma imbot mat.

Wal ta tininin kao na, tizzwe sua turkeŋana ki waen bizin. Tana tomtom ta gorgori kwoono perper sorok na, nu mbotmbot molo pini: Kokena iswe sua ku ma wal pakan tileŋ.

Tomtom ta so iŋoŋooŋo som, nako uruunu ambai. Mi wal kankaanaŋan ta tizorzooro na, zin ta boozomen karau men mi keten malmal ma tiŋoŋooŋo.

Wal ndeeŋeŋan tipa pai kizin ma ambai men. Tana kaimer lutun bizin ko lelen ambai kat, mi kampeŋana ki Anutu imbotmbot se kizin.