Popular Bible Verses from Sua Tutŋana 19

Share

Iti tomtom lelende iurur pa mbulu matakiŋa be takam. Mi bela ŋgar kiti ito ŋgar ki Yooba, to iur ŋonoono.

Tomtom ta so ikampewe zin wal sorrokŋan, ina ni ikamam mbulu tana pa Anutu. Mi kaimer Anutu itunu ko ipokot mbulu kini tana.

Tomtom ta so le ŋgar ambaiŋana, nako keteene malmal karau som. Tana tere mbulu kini na, iŋgeeze men. Pa sombe tomtom tikam ŋoobo mbulu pini, na ni irao ikam ŋgar biibi pa na som. Ire kembei koroŋ sorok.

Sombe tomtom tisope u mi tipazalu, na leŋ la kalŋan. Pa ina zaala tabe nu kam lem ŋgar ambaiŋana.

Mbulu ki tomototo Yooba mi teleŋleŋ la kalŋaana, ina zaala tabe tombot ambai pa i. To tomoto koroŋ toro sa som, mi takam kene kiti ma ambai men, mi pataŋana sa irao ipasaana iti som.

Tomtom ta so leleene be kunuunu imbot ambai, nako iru zaala be ikam le ŋgar ambaiŋana. Mi sombe tomtom sa mataana iŋgalŋgal be ikiskis ŋgar ambaiŋana, inako indeeŋe mbotŋana ambaiŋana.

Pazal lutum pataaŋa. Pa iŋgi mazwaana ta ni ileŋleŋ la sua ku. Re beso pazali som, ina kembei nu lelem be ni imeete ma ila lene.

Tomtom ta so ipombol sorok sua pakaamŋana, na ni kola ire kadoono pa mbulu kini tana. Irao tileeli na som. Mi zin wal ta timbelmbel sua pakaamŋana ta kembena. Ko tisaana ma tila len.