Popular Bible Verses from Sua Tutŋana 17

Share

Torondo bizin ŋonoono, nako tiurur lelen piti pa mazwaana ta boozomen. Mi toŋmatiziŋ kiti timbotmbot be tiuulu iti pa pataŋana kiti.

Sombe lelende ambai mi menmeen ti, inako iuulu kulindi tomini be imbot ambai. Mi sombe lelende isaana ma tombotmbot, inako ikam mete piti.

Iti sombe tuurur lelende pizin tomtom, nako matanda imbiriizikaala sanaana kizin. Mi tomtom ta so izeizei lene sua kizin wal pakan mi iyyo kwoono pa, na ni irao ikam ma itiŋan torondo bizin ŋonoono taparmbot molo piti.

Tomtom ta so le ŋgar ambaiŋana, nako imborro kat kwoono. Mi zin wal ta ŋgar kizin ipet kek na, keten meeteŋan.

Wal kankaanaŋan, sombe timborro kat kwon mi tizzo sua pe som, inako tomtom tire zin kembei zin tomini len ŋgar!

Sombe kanda kini ri sa, mi itiŋan wal kiti lelende ambai, mi taparlup ti ma tombotmbot, na mbotŋana kiti ko ambai ma ilip pizin wal ta kan kini biibi, mi tamen timbotmbot raama ŋoŋi.

Sombe pataŋana sa ipet na, kwom la pa karau pepe. Zem sua pa. Kokena kam ma ŋoŋi musaana ila ma iwe pataŋana biibi ŋonoono.

Zin bibip ta titirtiiri sua i, sombe tizem zin wal sananŋan ma tila sorok, som tiur sorok kadoono pizin wal ta len uunu sa som, na Yooba leleene pa mbulu ru tana ri sa som kat.