Popular Bible Verses from Sua Tutŋana 16

Share

Uraata boozomen ta lelem iurur pa be kam na, ur ila Yooba namaana. Naso ŋgar ku tana iur ŋonoono.

Sombe lelende iurur pa ŋgar sa. na bela Yooba iyok pa ŋgar kiti tana, tona iur ŋonoono.

Sua ambaiŋana ta ikamam lelende i, ina namutŋana kat, kembei ta bigil suruunu. Sua ta kembei iurpewe lelende mi ŋgar kiti, mi ikamam ma kulindi imbot ambai tomini.

Ŋonoono, iti tomtom lelende iurur pa mbulu matakiŋa tabe takam i. Mi sua ta iwedet pa kwondo na, Yooba itunu ta ikamam peeze pa.

Tomtom ta so iyaramraama itunu, mi keteene malmal karau som, na ni ilip pizin wal ta tirao kat pa malmal na. Mi tomtom ta so imborro kat itunu, na ni ilip pizin wal malmal kan ta tiporou mbolŋana ma tilip pa kar ta kek.

Mbulu ki nindi izze mi tapakurkur itundu, nako ipasaana iti ma tala lende. Tana sombe takam ŋgar kembei iti ambaiŋanda ma tilip pa waende bizin pakan, na tere iti. Pa ko molo som, to totop.

Iti tomtom tendemeere itundu kembei mbulu kiti ta boozomen iŋgeeze men pa Anutu mataana. Mi Yooba, ni itirtiiri lelende mi iute uunu tau takamam mbulu kiti pa i.

Tomtom ta so ileŋleŋ la sua tutŋana mi itoto, nako indeeŋe mbotŋana ambaiŋana. Mi tomtom ta so ipase pa Yooba, nako leleene ambai kat mi kampeŋana ki Yooba imbotmbot se kini.

Iti sombe lende koroŋ rimen, mi tamen mbulu kiti indeeŋe men pa Anutu mataana, na mbotŋana kiti ko ambai ma ilip pizin wal ta tikam len koroŋ boozomen pa zaala sananŋana.

Zaala pakan, tomtom tire na, tiso ko zaala ambaiŋana. Mi som. Sombe toto zaala tana ma tala, nako temetmeete ma tala lende.

Zin wal ta tizem zaala ambaiŋana na, tipeyei ŋoŋi. Mi zin wal ta tininin kao na, tirao be tikam ma itiŋan torondo bizin ŋonoono taparmbotmbot molo piti.