Popular Bible Verses from Sua Tutŋana 15

Share

Sombe tomtom keten malmal piti mi tepekel pa sua luumuŋana, nako takam ma lelen iluumu. Mi sua kekeŋana, ina ipazas tomtom keten.

Mbulu ki tomototo Yooba mi teleŋleŋ la kalŋaana, ina zaala ŋonoono tabe takam lende ŋgar ambaiŋana. Mi sombe lelende be zanda iwe biibi, na bela tokoto itundu muŋgu.

Sombe sua ta iwedet pa kwondo na iurpewe tomtom lelen, ina iwe kembei ke ta ipiyotyooto mbotŋana ambaiŋana pizin. Mi sombe sua pakaamŋana iwedet pa kwondo, ina ipasansaana tomtom lelen.

Sombe wal pakan tiuulu iti pa ŋgar kizin som, nako ŋgar kiti iur ŋonoono som. Mi sombe wal boozo tiuulu iti pa ŋgar kizin, nako uraata kiti iloondo ambai, mi ŋgar kiti iur ŋonoono.

Sombe lelende ambai, nako tomtom tikilaala mar pa ruŋgundu. Mi sombe lelende ipata, nako ipasaana ŋgar kiti.

Yooba, ni mataana molo. Tana ire lele ta boozomen. Mataana ikamam zin wal sananaŋan, mi wal ambaimbaiŋan tomini.

Iti sombe tomototo Yooba ma teleŋleŋ la kalŋaana, mi lende koroŋ rimen, nako mbotŋana kiti ambai ma ilip pizin wal ta len koroŋ boozo, mi tamen timbotmbot raama lelen ipata.

Tomtom ta so keteene malmalŋana, nako ipeyei malmal. Mi zin wal ta keten malmal karau som na, tipunmetmeete ŋoŋi.

Wal ndeeŋeŋan timbot mi tikam kat ŋgar pa sua uunu muŋgu, mana tipekel. Mi sua ta iwedet pa wal sananŋan kwon, ina ambai som kat.