Popular Bible Verses from Sua Tutŋana 14

Share

Zaala pakan ta tomtom titoto na, tindemeere ma tiso ko zaala ambaimbaiŋan. Mi som. Ina zaala ki meeteŋana.

Sombe lelende ambai, nako ikam ma kulindi imbot ambai tomini. Mi sombe matanda mburmbur, inako ikam mete piti.

Sombe tomtom sa leleene luumuŋana, ina iswe i kembei ni le ŋgar biibi. Mi tomtom ta so keteene malmal karau, ina ni ipamaala mbulu kini talliŋana ma imbot kat mat.

Zin moori ta len ŋgar ambaiŋana na, tikamam uraata be tiurpe ruumu kizin mi mboti ki wal kizin. Mi zin moori kankaanaŋan ta tizorzooro na, mbulu kizin ipasansaana ruumu kizin mi mboti ki wal kizin.

Tomtom ta so imototo Yooba mi ileŋleŋ la kalŋaana, nako ipase pa Yooba be iporoukaali. Mi lutuunu bizin tomini ko tipase pa Yooba be iwe ur pizin.

Mbulu ki tomototo Yooba mi teleŋleŋ la kalŋaana, ina kembei yok bukbukŋana ta ipiyotyooto mbotŋana ambaiŋana piti. Pa ipiŋgisŋgis kumbundu pa kilis boozomen tabe ikam ti ma temeete i.

Tomtom ta le ŋgar ambaiŋana na, imototo kana mi imbotmbot molo pa koroŋ sananŋan. Mi wal kankaanaŋan ta tizorzooro na, tipase pa zitun ma tiso tirao. Tanata timototo som, mi tikamam mbulu talliŋana tabe ipasaana zin i.