Popular Bible Verses from IBRANI 12

Share

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'. Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

Kelebéé' Tuhan memerah lu', tusah kenin lu' bé' lu' murung, bang la'o inah kepéh hun lu' mihau ha' tebaraa' Néh, pu'un lu' murip kivu pengeloo' Tuhan ngan alaa' pengepawah Néh.

Mekat keh pitah jalan dokoo' keh omok murip ngan pawah kenin belah kekat kelunan. Kenat péh jian keh mekat pitah dokoo' kekat barék keh pu'un ni'ai, uban bé' pu'un séé'-séé' péh éh omok na'at Tuhan hun néh bé' pu'un ni'ai.

Jian keh pepata urip keh ngan urip Néh, pinaa' penusah Néh neu' kelunan éh sa'at éh leko Éh ngan maneu' Éh mu'un-mu'un, bang kebit kenin Néh lem kekat penusah Néh. Jian keh pepata urip keh ngan urip Néh kenat, dai keh béé kenin ngan bé' omok ngeretep lem kekat penusah keh kepéh.

Uban kenat tekep uleu' bara' jian kenin uban uleu' pu'un lem nihau Néh éh pelinguh, tekep uleu' bara' jian kenin ngan seva' Allah ngan penoo' penyeva' ngan Medai tong Néh, kivu jalan éh ngepayoo' kenin Néh.

Hun néh kenat jian keh ngeretep lem pengeketa keh, ngan kejeraa' pengeketa inah pu'un barei' perah éh penakai tamen ko' dokoo' nebaraa' ke', uban neu' pengeketa keh nah inah jalan Allah nebaraa' keh uban keh anak Néh. Mah pu'un anak éh bé' penerah tamen néh?

Uban Allah Iah pu'un barei' luten éh omok kebéé ineu'-ineu' péh.

Pu'un Tamen lu' tong tana' petena' ngan memerah lu' kelebéé' lu' bé' jam seruh, dokoo' lu' jam kivu kekat éh jian kunah néh. Bang pu'un Tuhan memerah lu' dokoo' Néh nolong lu' ke' lu' omok ni'ai barei' Iah péh pu'un ni'ai.

Uban tong jalan keh ngelawan penyala' dokoo' keh omok nyopéé' éh, bé' jak keh pu'un ngelawan éh pah avéé' keh penatai réh.