Popular Bible Verses from Impezayag 10

Share

Ne emun edhiyupen dutun te ikepitu he velinsug̵uen is budyung din, ne human dutun ed-ul-ulaha te Megbevayà is tuyù he in-eles din sumalà is migkag̵i zin dengan diyà te menge ebpeneuven din he menge sulug̵uen din.”

Ne zutun duen migkag̵i zini te kediey, ke sikandin te, “Kinahanglan he iuman nu ipenudtul is ibpepenudtul kenikew te Megbevayà he egkeulaula te mezakel he menge hadì wey menge etew ziyà te minsan hendei he g̵inhedian wey minsan hengkey he kineg̵iyan.”

Ne zutun neehè ku is sevaha pa he mekeg̵eg̵ehem he velinsug̵uen he ebpenaug he ebpuun te langit. Midtaved diyà te kandin is gapun ne mibpeyungan is ulu zin te velugtu. Iring te kedsig̵a te andew is buked din ne is menge paa zin, ne henduen be te menge tukud he regreg.

Ne midhendutun a te velinsug̵uen ne mibuyù ku haazà is deisek he velesahan. Ne migkeg̵iyan e zin te, “Kuwaa nu ne keena nu. Meemis utew he iring te teneb diyà te vèbè nu, iyan, emun diyè en te g̵etek nu ne utew mepezes.” Ne migkuwa ku haazà is deisek he velesahan diyà te velad din, ne migkaan ku ne meemis iyan diyà te vèbè ku su iring te teneb, iyan, hein neeveleng ku, ne mibmepezes utew ziyà te g̵etek ku.