Popular Bible Verses from Impezayag 9

Share

Ne is nesamà dutun te menge etew, langun te sikandan he wazà mepatey zutun te ebpemekekaid he menge kudà, wazè dan engkezi is ked-ezapa zan te mibeelan dan he menge ledawan he vulawan, wey selapì wey g̵alang wey vatu wey kayu. Heini is menge ledawan, ne kenà ebpekeahà, kenà ebpekezineg ne kenà daan ebpekehipanew. Wazà daan engkezi zutun te menge etew is ked-ezapa zan te menge mezaat he mulin-ulin. Ne wazè dan daan iniyug̵i is kebpemumunù, kinaagman, meremerik he ulaula, wey is kebpenakew zan.

Ne zutun te evel nenlepew is menge terapan ne midlatun dan diyà te tanà. Ne imbeg̵ey kandan is bisa te kegkag̵at dan he iring te visa te kegkag̵at te venayew. Intelaan kandan he kenè dan dèdeeti is sagbet wey is minsan hengkey he edtuvù wey is menge kayu, kekenà, iyan dan dà edèdeetan is menge etew he wazà metiyapi is buked dan te tiyap te Megbevayà.

Ne midhiyup dutun te ikelima he velinsug̵uen is budyung din ne zutun neehè ku is bituen, he ke và dà egkeg̵iya, belinsug̵uen he ziyè en te tanà su neulug he ebpuun te langit. Ne imbeg̵ey ziyà te kandin is yawi he ebpekepuwas te vitu he wazà pidtemanan is kezalem din.

Intug̵ut kandan is kedresaya zan te menge etew seled te lelima he vulan, iyan, wazà itug̵ut kandan is kedhimatey. Is kedresaya zan te menge etew, ne iring te kesakit te egkeg̵aten te venayew.

Duen hadì he ebayàbayà kandan, iyan sikan is belinsug̵uen he mibpuwas duen te vitu he wazà pidtemanan is kezalem din. Ne ziyà te kineg̵iyan he Hibriyuhanen iyan ngazan din si Ebedun, ne ziyà te Gerisyahanen, si Epeliyun, he ke và dà egkeg̵iya, sikan is ebpekezezaat.