Popular Bible Verses from Hibriyuhanen 10

Share

Kenè tew ed-engkezan is kedtig̵um tew te ked-azap te Megbevayà; kenè tew ed-iringan is duma he menge tumutuu he mid-engkezan dan en is kedsimba, kekenà, edtig̵um kiw su wey kiw mekepesemsembag̵à. Utew heini kinahanglan, lavew en emun egketuusan ta he meg̵aan en is kedlikù te Nengazen tew he si Jesus.

Kenà tew ed-ewaan dini te g̵ehinawa tew is kebpepurpurungè tew su wey layun mahal zini te g̵ehinawa tew is minsan hentei, ne wey layun mehimu te uman sevaha kenitew is menge meupiya he ulaula.

Edhemenan tew is meheg̵et he kebperateng te kedtulusa kenitew keuzemà te wazà duwazuwa su netuenan tew he metinumanen is Megbevayà ne edhimuwen din is impenaad din kenitew.

Kinahanglan he meinentusen kew wey niw metuman is egkesuatan te Megbevayà ne human niw egkezawat is impenaad din keniyu.

Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Umba, menge suled, kenè niw engkezi is kedsarig niw su emun meheg̵et is kedsarig niw te Megbevayà, egkezawat niw is suhul zin he utew meupiya.

Ne emun nesavut te en is tutuu he tuluuwen, iyan, edtuyuen te pa maan is layun ked-ulaula te mezaat he ulaula, wazè en minsan hengkey he kebpemuhat he edewaten te Megbevayà wey maawà is salè ta. Is etew he iyan heini ulaula zin, ne iyan egkepengkusan din is mekelimlimezang he hukum kandin wey is utew meinit he hapuy he iyan idsilut te Megbevayà dutun te langun he edsukul kandin.