Popular Bible Verses from Ipisu 4

Share

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

Kinahanglan he kenè kew pegalbu, kekenà, peketulanged kew wey mebmeinentusen kew. Ipeehè niw is gag̵ew niw ziyà te kada sevaha keniyu pinaag̵i te kebmepelevayen niw.

Kinahanglan he kenà ebpekezezaat is kebpemèbè niw, kekenà, iyan keg̵iya niw is menge lalag he ebpekeveg̵ey he tavang te kedtuu te menge zuma niw su wey zekelà is pulus diyà te ebpemineg sumalà is egkinehenglanen dan.

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw

Emun duen igkepauk niw tigkera niw is gehinawa niw su kela ke ibpekesalè niw. Ne kinahanglan he te kenè pa edsanlep is andew iawè niw en is pauk te isip niw. Kenè niw itug̵ut he pinaag̵i te pauk niw, ne mevintahai kew ni Setanas.

Tenged kayi engkezi niw is menge isip te zaan he kegkeetew niw su nesakup heini te zaan he menge mezaat he ulaula niw. Ebpekezezaat keniyu heini pinaag̵i te ebpemekelimbung he kebayè din. Kinahanglan he egkepurung egkeveg̵u is isip niw wey g̵ehinawa niw. Kinahanglan he edhimuwen kew he veg̵u en he etew he iyan sikan is beg̵u en he linimbag pinaag̵i te zagwey te Megbevayà. Egketuusan heini is beg̵u he etew pinaag̵i te menge tutuu wey metazeng he ulaula he ibpeulaula keniyu te Megbevayà.

Purungi niw is menge ulaula niw su wey kenà maawà is kegkeupakat niw he imbeg̵ey keniyu te Wag̵as he Mulin-ulin su pinaag̵i kayi te upakat egkesevaha is gehinawa niw.

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu. Umba imbeg̵ey zin heini is menge ketau su wey kiw mehimani ne wey tew meulaula is ebpeveelan kenitew te Megbevayà ne wey melig-eni is kedtuu tew te menge tumutuu he iyan lawa ni Kristu. Pinaag̵i kayi egkehimu human he egkesevaha kiw te kedtuu tew wey kegketueni tew te menge ulaula te Anak te Megbevayà. Ne zutun egkepurung egkeheg̵et is kedtuu tew ki Jesus ne zutun wazà kurang te menge ulaula tew iring te wazà daan kurang te menge ulaula ni Kristu.

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung. Ne sikitew mulà, kinahanglan he tutuu is ibpesavut tew ziyà te menge zuma tew tenged te mahal sikandan dini te g̵ehinawa tew. Ne pinaag̵i kayi ebpekeiseg is kebpekeiring tew te minsan hengkey he ulaula ni Kristu.