Popular Bible Verses from Ipisu 5

Share

Ne g̵eina te pinelanggè kew he menge anak te Megbevayà, kinahanglan he mekeiring kew kandin. Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Umba, menge suled, pekeventayi niw is menge ulaula niw su wey kew mehimu he menge metau, ne kenà menge paglung. Te minsan keenu, ke zuen meupiya he egkeveelan niw, beeli niw en su g̵untaan he timpu mezelag is ebaal te meupiya.

Kenè kew mebpelelangut te vinu su ebpekezezaat heini keniyu, kekenà, kinahanglan he egkepurung kew egkeulini te Wag̵as he Mulin-ulin. Emun ebpelelelag̵è kew, gemita niw is menge lalag diyà te menge Salmo wey menge kentahan he idalig te Megbevayà, wey menge kentahan he ibpinted keniyu te Wag̵as he Mulin-ulin. Kentahi niw is Megbevayà ne pinaag̵i kayi te menge kentahan wey te menge Salmo, medlipey kew is edalig te Megbevayà. Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Kenè niw ul-ulaha is wazè din pulus he ulaula, kekenà, purungi niw sevuta ke hengkey is ebpeveelan keniyu te Megbevayà.

Sikiyu is menge maama, kinahanglan he mahala niw ziyà te g̵ehinawa niw is esawa niw iring te mahal kiw is menge tumutuu ziyà te g̵ehinawa ni Kristu. Egketuenan tew heini su mibpehimatey sikandin he elili kenitew wey kiw zin melibri te silut

Su zengan utew merusirem is ibayè niw, iyan, guntaan neteyawan is ibayè niw su nehimu kew en he menge sakup te Nengazen. Ne tenged kayi, kinahanglan he zait is ulaula niw te ked-ikula niw te merayag he ibayà.

Mebpetetehuzè kew te kada sevaha tenged te kedtahud niw ki Kristu.

Sikiyu is menge vahi, pesakup kew te menge esawa niw iring te nesakup kew en te Nengazen.

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.

Tenged kayi, duen insurat he Lalag te Megbevayà he edhenduen te, “Ed-ewaan te maama is iney zin wey amey zin ne ebpengesawa, ne sikandan is dezuwa, is maama wey haazà is bahi, ne egkesevaha zà.”

Is menge etew he kemulu pa ziyà te kerusireman, kenè kew medtampu kandan te ed-ulaula te menge vaal he wazè din pulus, kekenà, ipeehè niw he mezaat is menge vaal zan.