Popular Bible Verses from Aro 3

Share

pakuti tonse tecimwa nipo tekangiwa kufwika ku ulemelelo wa Mulungu, nipo tafwaniwa kuŵa wolungama mu cawanzi na cisomo cake kupitila mu cinunulo cewela na Kristu Yesu.

Cilungamo mwa Mulungu cuwela pocetekela mwa Yesu Kristu. Paliye kusiyana pakati pa ŵanthu

Mulungu emutwala kuti na mlopa wake aŵe nsembe yolekelela macimo ŵa ŵanthu omucetekela yeve. Mulungu ecita ici kuti awoneshe kuti ni wolungama, cikomo cakuti kale enze wolezya nipo elekelela macimo ŵa ŵanthu osaŵalanga. Ecita ici kuwonesha cilungamo cake pa nsita ino, kuti aŵe na cilungamo na wolungamisha ŵala ali na cicetekelo mwa Yesu.

Pakuti na nchito za Matetulo, paliye munthu watiakaŵe wolungama pa menso pa Mulungu, na kuti ni kupitila mu Matetulo patuziŵa va kucimwa kwasu.

Pala Malembo olaŵila kuti, “Paliye munthu wolungama, paliye na yumo kumo. Paliye munthu womvwishisha, paliye opangwishisha Mulungu. Wonse atayika; wonse pamo aŵa aliye nchito. Paliye ocita viweme paliye na yumo kumo.”

Pakuti tuwona kuti munthu ofwanika kuŵa wolungama pa menso pa Mulungu pocetekela, osati pokonkha Matetulo.

Yayi, na patontho kumo! Mulungu aŵe wa cendi, na munthu aliyense aŵe wa wenye. Pala Malembo olaŵila kuti, “Kuti muziŵike kuti nimwe wolungama mukatatikolaŵila nopula pamupasiwa mlandu.”