Popular Bible Verses from Taitusí 2

Share

He kuo fakahā mai ‘a e kelesi ‘a e ‘Otua, ‘a e kelesi ‘oku ‘omi fakamo‘ui ki he kakai kotoa pē, ‘oku ne ngaohia kitautolu ke tau fakafisi ki he faka‘otuamate, mo e ngaahi holi fakaemāmani; ka tau mo‘ui anga fakama‘uma‘u mo angatonu mo anga fakalotu ‘i he maama ko eni

he‘etau nofo‘aki tali ki he ‘amanaki mohu monū‘ia, ‘io, ko e fakahā mai ‘o e lāngilangi‘ia ‘o Sīsū Kalaisi, ko e ‘Otua Lahi pea ko hotau Fakamo‘ui. ‘A ia na‘a ne foaki ia ‘e ia koe‘uhi ko kitautolu; koe‘uhi ke ne huhu‘i kitautolu mei he maumau lao kotoa; pea fakama‘a ma‘ana hano kakai tonu ‘o‘ona, ha kakai ‘oku mamahi‘i ‘a e ngaahi ngāue lelei.

Pea ‘i he me‘a kotoa pē ke ke hā koe ko e fa‘ifa‘itakinga ngāue lelei: ‘i ho‘o akonaki ke ke hā ‘oku ke ta‘epopo mo anga maopo, pea haohaoa ho‘o lea, ‘o ‘ikai ala lau‘i; koe‘uhi ke mā ‘a ia ‘oku ‘i he fa‘ahi ‘e taha, ko e ‘ikai ha‘ane me‘a ke lau kiate kitautolu ‘oku kovi.