Popular Bible Verses from Taitusí 1

Share

‘Oku nau lau ‘oku nau ‘ilo ‘a e ‘Otua, ka ‘i he‘enau ngaahi ngāue ‘oku nau faka‘ikai‘i ia, ‘e he‘enau fakalielia mo talangata‘a, mo e ‘ikai ha‘anau momo‘i sia‘a ‘i ha ngāue ‘oku lelei.

‘Oku ma‘a ‘a e me‘a kotoa pē kiate kinautolu ‘oku ma‘a; ka kiate kinautolu kuo ‘uli mo ta‘etui ‘oku ‘ikai ke ma‘a ha me‘a, ka kuo ‘uli pē honau loto mo e konisēnisi fakatou‘osi.

‘Oku ne piki pē ki he tokāteline mo‘oni, ‘a ia na‘a ne ako ai; koe‘uhi ke ne mafai fakatou‘osi ke enginaki ‘aki ‘a e tokāteline haohaoa, pea ke ikuna ‘a kinautolu ‘oku faka‘ikai.

He ko hono tonu ‘o ia ‘oku pule ‘i he siasi ke ta‘elau‘i, he ko e sētuata ‘a e ‘Otua; ko e toko taha ‘oku ‘ikai tangi ke tu‘u ‘ana, ‘oku ‘ikai ‘itangofua, ‘oku ‘ikai uaine‘ia, ‘oku ‘ikai fa‘a tā, ‘oku ‘ikai havala ki he pa‘anga ‘uli; ka ko e taha ‘oku fa‘a fakaafe ‘āunofo, ‘oku ‘ofa ki he me‘a ‘oku lelei, ‘oku anga fakapotopoto, ‘oku faitotonu, ‘oku mā‘oni‘oni, ‘oku anga fakama‘uma‘u.

kapau ko e toko taha ia ‘oku ‘ikai ha lau ki ai, ko e husepāniti ‘o ha fefine pē taha, ‘oku ‘i ai ‘ene fānau ‘oku lotu, pea kuo ‘ikai faka‘ilo kinautolu ‘i ha fakamaveuveu, pe ko e fānau talangata‘a.