Popular Bible Verses from KO E ME‘A FAKAHĀ 4

Share

Taau pē Koe, ‘a e ‘Afiona ko homau ‘Otua, Ke lau ki ai ‘a e kolōlia, mo e faka‘apa‘apa, mo e mafai: He ko koe ia na‘a ke ngaohi ‘a e me‘a kotoa pē, Pea na‘a nau ‘i ai, pea na‘e ngaohi kinautolu, Koe‘uhi pē ko ho finangalo ia.

Pea ko e ngaahi me‘a mo‘ui ‘e fā ko ia tāutaha na‘a nau taki ono ‘a e kapakau; takatakai ki he ngaahi kapakau ko ia, pea ‘i he ‘aofi kapakau, na‘a nau tofu kano‘i mata: pea ‘oku ‘ikai ha‘anau mālōlō, he‘enau lea ‘i he ‘aho mo e pō, ‘o pehē, ‘Ēī Mā‘oni‘oni! ‘Ēī Mā‘oni‘oni! ‘Ēī Mā‘oni‘oni! ‘a e ‘Afiona ko e ‘Otua, ko e ‘Eiki Aoniu! ‘a e ‘Afiona na‘e ‘i ai, pea ‘oku ‘i ai, pea ‘oku ha‘u!

HILI ia pea u vakai, pea tā ko e matapā kuo fakaava ‘i langi, pea ko e le‘o na‘e fua ongo mai kiate au hangē ko e talupite, na‘e lea mai ‘o pehē, Ha‘u ki ‘olunga ni, pea te u faka‘ali‘ali kiate koe ‘a e ngaahi me‘a kuo pau ke ho ko ‘amui.