Popular Bible Verses from KO E ME‘A FAKAHĀ 21

Share

Pea te ne holoholo ‘a e lo‘imata kotoa pē mei honau mata; Pea ‘e ‘ikai toe ai ha mate, Pea ‘e ‘ikai toe ai ha mamahi, pe ha tangi, pe ha ongosia; Kuo mole ‘a e ngaahi me‘a mu‘a.

Pea folofola ‘e ia na‘e ‘afio ‘i he taloni, Ko eni ‘oku ou fakafo‘ou ‘a e me‘a kotoa pē. Pea ne pehē mai, Tohi, he ko e ngaahi lea ko eni ‘oku ala falala ki ai, pea ko e mo‘oni ‘o e mo‘oni.

Pea ongo mai ha fu‘u le‘o mei he taloni, ‘oku ne pehē, Ko eni, ko e Tāpanekale ‘o e ‘Otua, ‘Oku tu‘u mo e kakai. Pea ‘e nofo hono Sikaina mo kinautolu, Pea te nau nofo ko hono kakai; Pea ‘e nofo ‘e He‘ene ‘Afio, Ko e ‘Otua ‘oku kau ma‘anautolu, ‘Io, ko honau ‘Otua.

Pea ne folofola mai, KUO FAI. Ko au ko e ‘Ālifa mo e ‘Ōmeka, ko e Kamata‘anga mo e Ngata‘anga. ‘Ilonga ‘a e fieinu te u tuku kiate ia ke ne inu ta‘etotongi mei he matavai ‘o e vai ‘o e mo‘ui.

Ko ia ia te ne ikuna, ‘e tō mo‘ona ‘a e ngaahi me‘a ni, pea te u nofo ko hono ‘Otua, pea te ne nofo ko hoku foha.

Ka ko e kau fo‘i, mo e ta‘etui, mo e fakalielia‘ia, mo e fakapō, mo e fe‘auaki, mo e fai fakalou‘akau, mo e kau tauhi ‘aitoli, mo e kau loi kotoa pē, te nau ‘inasi ‘i he ano ‘oku ulo afi mo sūlifa; ‘a ia ko e mate ‘angaua.

PEA u vakai ha langi fo‘ou mo ha fonua fo‘ou: he ne mole ‘a e ‘uluaki langi mo e ‘uluaki fonua; pea ‘oku ‘ikai kei tu‘u ‘a e tahi.

Pea u vakai ‘a e kolo tapu, ‘a Selusalema Fo‘ou, ‘oku ‘alu hifo mei langi mei he ‘Otua, kuo ‘osi teuteu, ‘o hangē ha ta‘ahine, kuo ‘ai teunga ki hono husepāniti.

Pea na‘e ‘ikai ‘aonga ‘a e la‘ā ki he kolo, pe ko e māhina, ke ulo ki ai: he na‘e fakamaama ia ‘e he Sikaina ‘o e ‘Otua; pea ko hono maama ko e Lami. Pea ‘e hā‘ele ‘a e ngaahi kakai ko e me‘a ‘i he‘ene maama; pea ko e ngaahi tu‘i ‘o māmani te nau ‘omi honau nāunau kiate ia.