Popular Bible Verses from Filipaí 1

Share

he ko e me‘a ni ‘oku ou mātu‘aki tui ki ai, ko ia na‘a ne kamata ‘i homou loto ha ngāue lelei, te ne fai ai pē hono fakahaohaoa, ‘o a‘u ki he ‘aho ‘o Sīsū Kalaisi.

Pea ko ‘eku lotu ‘eni; ke toe tupulekina ‘o lahi hake ‘aupito ho‘omou ‘ofa, he‘ene ma‘u ‘a e ‘ilo kānokano mo e ongo‘i ‘o e totonu ‘i he me‘a kotoa pē; koe‘uhi ke mou sivi ‘o ‘ilo ‘a e ngaahi me‘a ‘oku lelei lahi, ka mou nofo hangataha mo ta‘emele, ‘o a‘u ki he ‘Aho ‘o Kalaisi

He ko e me‘a kia kita, ko ‘ete mo‘ui ko Kalaisi ‘atā, pea ko ‘ete pekia ko e ‘āsili hoto fakakoloa.

Ka u ka fakamanatu kiate kimoutolu ‘oku ake ‘eku fakafeta‘i ki hoku ‘Otua

Sino pē e me‘a, ho‘omou feangai fakaekimoutolu ‘o e Kolo, ke taau ia mo e Kōsipeli ‘o Kalaisi: koe‘uhi, pe te u ‘alu atu ‘o mamata, pe te u mama‘o pē ‘o fanongo ki ho‘omou ngaahi me‘a, kehe ke hā ‘oku mou tu‘u ma‘u, ‘o laumālie taha, ‘o mou loto uouangataha pē he fakafitefita‘a ma‘a e lotu fakakōsipeli

‘a ia ‘oku hoa mo ‘eku ‘amanaki tu‘u mo falala, ‘e ‘ikai fakamaa‘i au ‘e ha me‘a; kaekehe, hangē ko ia ‘i mu‘a, ‘e pehē foki ‘i onopooni, te u mālohi noa pē ‘i he fakahīkihiki‘i ‘o Kalaisi ‘aki hoku sino, pe ‘i he‘ene mo‘ui, pe ‘i he‘ene mate.

he ko e me‘a‘ofa kuo ne ‘atu kiate kimoutolu–‘a e ngāue ke fai ma‘a Kalaisi–‘oku ‘ikai ko e tui pē kiate ia pea ngata ai, ka ko e kātaki mamahi foki koe‘uhi ko ia