Popular Bible Verses from Mātiú 19

Share

Pea siofia kinautolu ‘e Sīsū, ‘o ne pehē ange, ‘I he vakai ‘a e tangata ko e me‘a ia ‘e ‘ikai lava; ka ki he ‘Otua ‘oku malava ‘a e me‘a kotoa pē.

Tā ‘oku ‘ikai te na kei ua, ka ko e kakano pē taha. ‘Āua; pea ko e me‘a kuo fakahoko ‘e he ‘Otua, ke ‘oua na‘a fakamāvae ‘e ha tangata.

Pea tali ‘e ia, ‘o ne pehē, Ne ‘ikai te mou lau koā, Ko ia na‘a ne ngaohi ‘a e kakai ‘i he kamata‘anga na‘a ne ngaohi tangata mo fefine kinautolu? mo ne folofola, Ko e me‘a ko ia ‘e tuku ai ‘e ha tangata ‘ene tamai mo ‘ene fa‘ē, ka ne pīkitai ki hono uaifi; pea ‘e hoko ‘a e toko ua ko e kakano pē taha?

Ka ka pehē ‘e Sīsū, Tuku pē ‘a e tamaiki, pea ‘oua ‘e ta‘ofi ‘enau ha‘u kiate au; he ‘oku ma‘a e fa‘ahinga ko ia ‘a e Pule‘anga ‘o Hēvani.

Ka ko e tokolahi ‘oku mu‘omu‘a te nau muimui; pea ko e tokolahi ‘oku muimui te nau mu‘omu‘a.

‘Io, ‘ilonga ha taha kuo ne li‘aki ha ngaahi tokoua, pe ha ngaahi tuofāfine, pe ha tamai, pe ha fa‘ē, pe ha fānau, pe ha ngaahi tōkanga ngoue, pe ha ngaahi fale, koe‘uhi ā ko hoku hingoa, te ne toe ma‘u ‘o lōlahi, pea ‘e tō mo‘ona foki ‘a e mo‘ui ta‘engata.

Pea lea ‘a Sīsū ki ai, Kapau ko ho loto ke ke haohaoa, mole pē ‘o fakatau atu ho‘o nga‘oto‘ota, pea foaki hono pa‘anga ki he masiva, pea ‘e ai ha koloa ‘e fa‘oaki ma‘au ‘i Hēvani: pea ke ha‘u ‘o kau ‘i hoku lahi.

Pea tali ‘e ia, ko e hā ‘oku ke ‘eke ai kiate au ‘i he lelei? ‘Oku Toko Taha pē ‘a e lelei: ka ‘o kapau ko ho loto ke ke hū ki he mo‘ui, pea ke ke tauhi ‘a e ngaahi fekau.

‘Io, ‘oku ou toe lea atu, ‘oku faingofua ke hū ha kāmeli ‘i ha ava‘i hui tuitui, ‘i he hū ‘a ha koloa‘ia ki he Pule‘anga ‘o Hēvani.

Ka ‘oku ou tala atu, ka ai ha taha te ne li‘aki hono uaifi, ‘o ‘ikai ‘i ha‘ane fe‘auaki, pea ne toki mali mo ha fefine kehe, ‘oku ne fe‘auaki: pea ko ia te ne mali mo ia kuo li‘aki ‘oku ne tono fefine.

Pea pehē ‘e Sīsū ki he‘ene kau ako, Ko au ē, ‘oku ou tala atu, ‘E faingata‘a ‘a e hū ‘a ha koloa‘ia ki he Pule‘anga ‘o Hēvani.