Popular Bible Verses from Mātiú 18

Share

He ko e potu kuo fakataha ai ha toko ua pe ha toko tolu ki hoku hingoa, ‘oku ou ‘i he potu ko ia au ‘i honau lotolotonga.

Mo ‘eni foki ‘oku ou tala atu, Ka ai ha toko ua ‘iate kimoutolu ‘i māmani te na loto taha ‘i ha me‘a pē te na kole ki ai, ‘e fai pē ma‘anaua ‘e he‘eku Tamai ‘oku ‘i Hēvani.

Pea ne ui ange ha tamasi‘i, ‘o ne tuku ia ‘i honau lotolotonga, ‘O ne pehē, Ko au ē, ‘oku ou tala atu, Kapau ‘e ‘ikai te mou liliu, ‘o hoko ‘o hangē ko e tamaiki, ‘e ‘ikai ‘aupito te mou hū ki he Pule‘anga ‘o Hēvani.

Ko ia, ‘ilonga ‘a ia te ne fakavaivai‘i ia ‘o hangē ko e tamasi‘i ko eni, ko ia ia ‘oku lahi ‘i he Pule‘anga ‘o Hēvani.

Pea ka ai ha taha ‘oku ne tali ha tamasi‘i peheni ‘e toko taha, koe‘uhi ko hoku hingoa, ‘oku ne tali au.

Ko au ē, ‘oku ou tala atu, ‘Ilonga ha me‘a te mou tapui ‘i māmani kuo tapui ‘i langi: pea ‘ilonga ha me‘a te mou fakangofua ‘i māmani kuo fakangofua ‘i langi.

‘E pehē foki mo e fai ‘a ‘eku Tamai fakalangi kiate kimoutolu, ‘o kapau ‘e ‘ikai te mou fakamolemole takitaha hono tokoua, ‘o fai‘aki homou loto.

Pea ka ai ha tangata te ne fakatūkia ha taha ‘i si‘i tamaiki ni ‘oku tui kiate au, ‘e oli ange ki he tangata ko ia ‘oka ne tautau ha fu‘u maka fale ‘i hono kia, ‘o lōmaki‘i ‘i he moana hauhau.

Ko e hā ho‘omou poa? Ka ne ma‘u ‘e ha tangata ha sipi ‘e teau, pea hē hanau taha, ‘ikai te ne tuku ‘a e toko hivangofulu mā hiva ‘i he mo‘unga, ka ka ‘alu ke kumi ‘a ia kuo hē?