Popular Bible Verses from Mātiú 13

Share

Pea ko ia na‘e tūtuu‘i ki he kelekele kuo lelei, ko e toko taha ia ‘oku fanongo ki he folofola, pea tau: pea ko eni ia ‘oku fua, ‘o fuo teau ‘a e taha, fuo onongofulu ‘a e taha, fuo tolungofulu ‘a e taha.

Pea ko ia na‘e tūtuu‘i ‘i he potu ‘akau talatala, ko e toko taha ia ‘oku fanongo ki he folofola; pea ko e lotomo‘ua ki māmani, mo e fakahekeheke ‘a koloa, ‘oku kāsia ai ‘a e folofola, pea ne ta‘efua.

‘Ilonga ha taha ‘oku fanongo ki he folofola ‘o e Pule‘anga, kae ‘ikai tau, ‘oku ha‘u ‘a e Fili, ‘o fa‘ao ‘a e me‘a na‘e tō ki hono loto. Ko eni ia na‘e tūtuu‘i ‘i he ve‘ehala.

Pea ko ia na‘e tūtuu‘i ki he potu maka, ko e toko taha ia ‘oku fanongo ki he folofola, ‘o ne puke fiefia leva ki ai; ka ‘oku ‘ikai hano aka ‘iate ia, ka ‘oku fakataimi pē: pea ‘oka hoko ha faingata‘a pe ha fakatanga koe‘uhi ko e folofola, pea tūkia leva.

‘Oku tatau ‘a e Pule‘anga ‘o Hēvani pea mo ha koloa na‘e tanu ‘i ha ngoue: ‘a ia na‘e ‘ilo ki ai ha tangata, ‘o ne fufū, pea ‘i he‘ene fiefia ai ‘oku ne ‘alu ‘o fakatau atu ‘ene me‘a kotoa, kae fakatau ‘aki ‘a e ngoue ko ia.

Pea ngangana ha tenga ni‘ihi ki he kelekele kuo lelei, pea fua, ‘o taki fuo teau ‘a e ni‘ihi, fuo onongofulu ‘a e ni‘ihi, fuo tolungofulu ‘a e ni‘ihi.

Tuku pē ke na tupu fakataha ‘o a‘u ki he ututa‘u: pea ka hoko ‘a e ututa‘u te u lea ki he kau tu‘usi, ‘Ē, mou tānaki mu‘a ‘a e tea, pea no‘o ‘ū ke tutu: kae fetuku ‘a e uite ki he feleoko ‘o‘oku.