Popular Bible Verses from KO SIOELI 2

Share

Pea na‘a mo e taimi ni–ko Sihova ia mei he Ta‘ehāmai–mou mātu‘aki tafoki kiate au ‘aki ‘a e kotoa ‘o homou loto, pea ‘aki ‘a e ‘aukai, pea ‘aki ‘a e tangi, pea ‘aki ‘a e tangilāulau

Pea ‘e hoko ‘i he kuonga ki mui, te u lilingi hoku laumālie ki he kakano kotoa; pea ‘e fai palofisai ‘e homou ngaahi foha mo homou ngaahi ‘ōfefine, ko e mātu‘a ‘omoutolu te nau fa‘a misi, ko e kau talavou ‘omoutolu te nau mata vīsone

Pea hae homou loto, ‘o ‘ikai ko homou kofu, pea mou foki kia Sihova ko homou ‘Otua; he ko e Angalelei ia mo e ‘Alo‘ofa, Tuai-ki-he-houhau, pea Fonu-‘i-he-kelesi, pea ‘oku ne momou ‘i he kovi.

Pea ‘e hoko ‘o pehē, ko ia ‘oku tautapa ki he huafa ‘o Sihova ‘e fakahaofi: he ai ha kau hao ‘i Mo‘unga Saione mo Selusalema, ‘o hangē ko e folofola ‘a Sihova, pea ‘e ‘i he kau toe ‘a kinautolu ‘oku ui ‘e Sihova.

‘E liliu ‘a e la‘ā ‘o po‘uli, mo e māhina ‘o toto, ‘i he tei hoko ‘a e ‘Aho ‘o Sihova, ‘a e ‘aho lahi mo fakalilifu.