Popular Bible Verses from KO ‘AISEA 55

Share

He ‘oku taha ‘eku ngaahi fakakaukau, pea taha ha‘amoutolu, pea ‘oku taha homou ‘alunga, pea taha ‘o‘oku–ko Sihova ia mei he Ta‘ehāmai.

He hangē ‘oku mā‘olunga ‘a e langi ‘i māmani, pehē ‘oku mā‘olunga hoku ngaahi ‘alunga ‘i he ngaahi ‘alunga ‘omoutolu, mo ‘eku ngaahi fakakaukau ‘i he ngaahi fakakaukau ‘amoutolu.

Vivili ki he ‘Eiki lolotonga ‘oku ala ma‘u, Ui kiate ia lolotonga ‘ene kei ofi

Ke li‘aki ‘e he angahala hono ‘alunga, Mo e tangata kovi ‘ene ngaahi fakakaukau: Pea ke ne foki ki he ‘Eiki, Pea te ne ‘alo‘ofa kiate ia; ‘Io, ki hotau ‘Otua, He lōlahi ‘ene fakamolemole.

ENI, ‘ilonga ‘a e fie inua, ha‘u ki he ngaahi vai; Mo ia foki ‘oku ‘ikai ha‘ane pa‘anga; Omi pē, tokonaki ‘o kai; ‘Io, mou omi pē; fakatau uaine mo e hu‘akau. Ta‘eha pa‘anga, pea ta‘eha totongi.

He hangē ‘oku hifo ‘a e ‘uha mo e sinou mei langi, ‘o ‘ikai te ne foki ki ai, kae‘oua ke ne fakaviviku ‘a e fonua, ‘o ngaohi ia ke fakatupu me‘a, mo laku muka mai; ‘o ‘oua foki ke ai ha tenga ma‘a e tangata tūtuu‘i, mo ha me‘akai ma‘a e fiekaia; ‘e pehē pē mo ‘eku lea ‘oku ‘alu atu mei hoku ngutu: ‘e ‘ikai foki nge‘esi mai, kae‘oua ke ne fai ‘a e me‘a ne u loto ki ai, mo fakaa‘u ‘a e me‘a ne u fekau atu ai ia.

He te mou hū ki tu‘a mo e fiefia, Pea ‘e taki atu kimoutolu mo e melino: Ko e ngaahi mo‘unga mo e ngaahi sia Te nau pā mavava ‘i ho‘omou hā mai, Pea ko e ‘akau kotoa ‘o e vao ‘e pasipasi nima

Fokotu‘u telinga mai, pea omi kiate au; Fakafanongo kae mo‘ui homou laumālie: Pea te u fai mo kimoutolu ha kovinānite ta‘engata, Ko e ngaahi tala‘ofa kia Tēvita, ‘A ia kuo pau.