Popular Bible Verses from Hepelū 13

Share

Ke ta‘emānumanu ho‘omou tō‘onga; pea mou fiemālie ‘i he ngaahi me‘a ‘oku mou ma‘u ni: he kuo folofola mai ‘e He‘ene ‘Afio, ‘E ‘ikai si‘i te u mahu‘i meiate koe, kae‘uma‘ā ha‘aku momo‘i li‘aki koe.

Ko Sīsū Kalaisi ‘oku tatau ai pē he ‘aneafi, mo e ‘aho ni, ‘io, ‘o ta‘engata.

Ko ia ‘oku tau mālohi ai ke lea ‘o pehē, Ko e ‘Eiki ko hoku tokoni; ‘e ‘ikai te u manavahē: ko e hā tū ha me‘a ‘e fai kiate au ‘e ha tangata?

Kae‘uma‘ā, ‘oua na‘a ngalo ‘a e fai ‘ofa mo e fai tokoni: he ko e alā feilaulau pehē ‘oku hōhō‘ia ai ‘a e ‘Otua.

‘Āua, ko ia ke tau ‘atu ‘iate ia pē, ma‘u ai pē, ha feilaulau fakafeta‘i ki he ‘Otua, ‘a ē ko e fua ‘o e loungutu ‘oku takua hono huafa.

Ke lau‘i lelei ‘a e mali ‘e he kakai kotoa pē; pea ke ta‘e‘uli‘i ‘a e mohenga: he ko e kau fe‘auaki, mo e tono‘unoho ‘e fakamaau kinautolu ‘e he ‘Otua.

‘Oua te mou loto ngalongalo he fakaafe ‘āunofo: he ‘i he fai ‘a e me‘a ko ia, kuo tali ‘e ha ni‘ihi ha kau ‘āngelo.

Pea ko e ‘Otua ‘oku ‘a‘ana ‘a e fakamelino, ‘a ‘Ene ‘Afio na‘a ne toe ‘omi mei he pekia ‘a hotau ‘Eiki ko Sīsū Kalaisi ‘a e Tauhi fungani ko ia ‘o e fanga sipi ‘i he ta‘ata‘a ‘o e Fuakava Ta‘engata. ‘Ofa ke fakakakato kimoutolu ‘e He‘ene ‘Afio ‘i he me‘a lelei fuli pē ke mou ‘osiki hono finangalo, he‘ene feia ‘iate kitautolu ‘a e me‘a ‘oku hōhō‘ia ai hono finangalo ‘ia Sīsū Kalaisi; ke ‘o ‘Ene ‘Afio ‘a e kolōlia, ‘o lauikuonga pea ta‘engata. ‘Ēmeni.