Popular Bible Verses from KO ‘ISIKELI 18

Share

He tala‘ehai ‘oku ou hōhō‘ia ‘i he pekia ‘a e pekia–ko ‘Ātonai Sihova ia mei he Ta‘ehāmai–ko ia mou tafoki ka mou mo‘ui.

Ko e laumālie ‘oku angahala ko ia ia ‘e mate; ‘e ‘ikai kau ‘a e foha ‘i he fua ‘a e kovi ‘a ‘ene tamai, pea ‘e ‘ikai kau ‘a e tamai ‘i he fua ‘a e kovi ‘a hono foha: ko e mā‘oni‘oni ‘a si‘i mā‘oni‘oni ‘e hoko kiate ia, pea ko e pau‘u ‘a e pau‘u ‘e hoko kiate ia.

Li‘aki atu ‘a e ngaahi angahala kuo mou hia ai, ‘o ngaohi mo‘omoutolu ha loto fo‘ou mo ha laumālie fo‘ou: he koe‘uma‘ā ho‘omou mate, si‘i fale ‘o ‘Isileli?

He ‘oku ou momo‘i manako ki he pekia ‘a e angahala?–ko ‘Ātonai Sihova ia mei he Ta‘ehāmai–kaekehe ke ne tafoki mei hono ngaahi ‘alunga, ‘o mo‘ui.

‘Oka tafoki ‘a e angakovi mei he angakovi kehekehe kuo ne feia, ‘o ne tauhi ‘eku ngaahi tu‘utu‘uni, ‘o ne fai ki he lao mo e totonu, ‘e mo‘ui pē ‘a e toko taha ko ia, ‘o ‘ikai mate.

‘oku ne fou ‘i he‘eku ngaahi tu‘utu‘uni, pea ‘oku ne tauhi ‘eku ngaahi kupu‘i konisitūtone he fai mo‘oni; ko e mā‘oni‘oni ia, te ne mo‘ui pē–ko ‘Ātonai Sihova ia mei he Ta‘ehāmai.