Ko e folofola ‘eni ‘a ‘Ātonai Sihova, Ko au foki te u to‘o ha me‘a mei he huli ‘o e sita mā‘olunga, pea te u tō ia; mei hono ngaahi ‘elito taupotu hake te u to‘o ha taha kei litolito, pea te u hunuki ia ‘e au ‘i ha funga mo‘unga mā‘olunga mo hopo hake. ‘I he mo‘unga taukakapa ‘o ‘Isileli te u hunuki ia, pea te ne fakava‘ava‘a atu, mo fai fua, pea te ne hoko ko e fu‘u sita lāngilangi‘ia, pea ‘e nofo ‘i hono malu ‘a e ngaahi manupuna fulufulu kehekehe; ‘io, ko e fu‘u malumalu ‘o hono ngaahi va‘a te nau nofo ai.