Popular Bible Verses from KOHELETI 1

Share

He ‘oku ō mo e poto lahi ‘a e mafasia lahi; pea ko ia ‘oku fakalahi ‘ene ‘ilo ‘oku ne fakalahi ‘ene mamahi.

Ko e me‘a na‘e ‘i ai, ko ia ia ‘e ‘i ai; pea ko e me‘a na‘e fai, ko ia ia ‘e fai. Pea ‘oku ‘ikai ha me‘a fo‘ou ‘i he lalo la‘ā.

‘Oku fakafitefita‘a ai pē ‘a e me‘a kotoa pē; ‘oku ‘ikai lava ‘e ha tangata hono fakamatala: ‘oku ‘ikai fiu ‘a e mata ‘i he sio, pea ‘oku ‘ikai mākona ‘a e telinga ‘i he fanongo.

Muna ‘o e muna–ko e lea ia ‘a Koheleti–muna ‘o e muna! ko e muna ‘a e me‘a kotoa. Ko e hā ‘a e fua ‘oku toe ki he tangata mei he ngāue kehekehe ‘oku ne ongosia ai ‘i he lalo la‘ā?

Ne u sio ki he ngāue kehekehe ‘oku fai ‘i he lalo la‘ā; Pea tā ko e koto muna ia, mo e kai matangi.

Mole ha to‘utangata, pea ha‘u ha to‘utangata; pea ko māmani ‘oku tu‘u atu ai pē.

‘Oku ‘ikai ha manatu ki he ngaahi to‘utangata mu‘a; pea pehē foki ki he ngaahi to‘utangata ‘e hoko ‘amui, ‘e ‘ikai ha manatu kiate kinautolu ‘i he ngaahi to‘utangata ‘e hoko ‘amui ‘iate kinautolu.

Pea u tuku hoku loto ke ‘ilo poto, pea ke ‘ilo ‘a e vale ‘u‘ua mo e fakasesele: pea u ‘ilo na‘a mo ia ko e kai matangi pē.