Popular Bible Verses from KO TEUTALŌNOME 5

Share

Faka‘apa‘apa ki ho‘o tamai mo ho‘o fa‘ē, ‘o hangē ko e tu‘utu‘uni koe ‘e Sihova ko ho ‘Otua: koe‘uhi ke lahi ho ngaahi ‘aho, pea koe‘uhi ke ke tu‘umālie ‘i he kelekele ‘oku foaki kiate koe ‘e Sihova ko ho ‘Otua.

Ko e hala kotoa kuo tu‘utu‘uni ‘e Sihova ko homou ‘Otua ma‘amoutolu, te mou fou ai; koe‘uhi ke mou mo‘ui, pea ke mou tu‘umālie, pea ke lahi homou ngaahi ‘aho ‘i he fonua te mou ma‘u.

‘oua te ke hū ki ai, pea ‘oua te ke tauhi ki ai: he ko au Sihova ko ho ‘Otua ko e ‘Otua fua‘a au, ‘oku ou ‘eke ‘a e kovi ‘a e mātu‘a ki he fānau, ‘o a‘u ki he tolu mo e faa‘i to‘utangata, ‘a kinautolu ‘oku fakafili mai; ka ‘oku ou fai meesi ki he afe‘i to‘utangata, ‘a kinautolu ‘oku ‘ofa kiate au, mo tauhi ‘eku ngaahi fekau.

‘Oua te ke ngaohi ma‘au ha tamapua, ha momo‘i fakatātā ‘o ha me‘a ‘o e langi ‘i ‘olunga na, pe ‘o māmani ‘i lalo ni, pe ‘o e tahi ‘i lolofonua

‘Oua na‘a ai hao ‘Otua kehe, ‘o ua ‘aki au.

‘Oua te ke takuanoa ‘a e huafa ‘o Sihova ko ho ‘Otua: he ‘e ‘ikai lau ‘e Sihova ‘oku ta‘ehalaia ia ‘a ia ‘oku ne takuanoa hono huafa.

Pehēange mai kuo pehē honau loto ma‘u pē, ke nau ‘apasia kiate au, mo tauhi ‘eku ngaahi fekau, koe‘uhi ke nau tu‘umālie mo ‘enau fānau foki, ‘o ta‘engata!

Tokanga ki he ‘aho Sāpate ke tauhi ia ke tapu, ‘o hangē ko e tu‘utu‘uni koe ‘e Sihova ko ho ‘Otua.

‘Oua te ke holi ki he uaifi ‘o ho kaungā‘api; pea ‘oua te ke mānumanu ki he fale ‘o ho kaungā‘api, ki hano ‘api, pe ki ha‘ane tamaio‘eiki, pe ki ha‘ane kaunanga, ki ha‘ane pulu, pe ki ha‘ane ‘asi, pe ki ha me‘a ‘e taha ‘oku ‘a ho kaungā‘api.

Pea ‘oua na‘a ke tono ‘unoho.

Pea ‘oua na‘a ke tu‘u ko e fakamo‘oni loi ki ho kaungā‘api.

‘Oua na‘a ke fakapō.

Pea ‘oua na‘a ke kaiha‘a.

Pea te ke manatu na‘a ke nofo koe ko e tamaio‘eiki ‘i ‘Isipite, pea na‘e fakahao mai koe ‘e Sihova ko ho ‘Otua ‘aki ha nima mālohi mo ha nima kuo hiki tā: ko hono ‘uhinga ia na‘e tu‘utu‘uni koe ‘e Sihova ko ha ‘Otua ke tauhi ‘a e ‘aho Sāpate.

Ko e ‘aho ‘e ono te ke ngāue, ‘o fai ai ho ngaahi nafa kehekehe; ka ko hono ‘aho fitu ko e Sāpate ia ‘a Sihova ko ho ‘Otua; tapu ha‘o fai ai ha momo‘i ngāue, ‘a koe mo ho‘o fānau tangata pe fānau fefine, ko ho‘o tamaio‘eiki pe ko ho‘o kaunanga, pe ko ho‘o pulu, pe ko ho‘o ‘asi, pe ha taha ‘o ho‘o fanga manu, pe ko ha ‘āunofo ‘oku ‘i ho kolo; koe‘uhi ke mālōlō ‘a ho‘o tamaio‘eiki mo ho‘o kaunanga ‘o hangē ko koe.

Ko au ko Sihova ko ho ‘Otua, ‘a ia na‘a ku ‘omi koe mei ‘Isipite, mei he fale pōpula.