Popular Bible Verses from KO TEUTALŌNOME 4

Share

Ka ‘o kapau te mou kumi mei ai kia Sihova ko ho ‘Otua, te ke ‘ilo ia, ‘o kapau te ke ha‘ao ki ai ‘aki ho loto kotoa, pea ‘aki ho laumālie kotoa.

he ko e ‘Otua ‘alo‘ofa ‘a Sihova ko ho ‘Otua: ‘e ‘ikai te ne li‘aki koe, pea ‘e ‘ikai te ne faka‘auha koe, pea ‘e ‘ikai ngalo ‘iate ia ‘a e fuakava mo ho‘o ngaahi kui, ‘a ia na‘a ne fakapapau mo kinautolu.

He ko e ‘Eiki ko homou ‘Otua ko e afi faka‘auha: ko e ‘Otua fua‘a ia.

Kae sinoeme‘a ke ke tokanga kia koe, mo lamalama lahi ho laumālie ‘i he ‘aho kotoa pē ‘o ho‘o mo‘ui, na‘a ngalo ‘a e ngaahi me‘a ne māta‘i ‘e ho mata, pea na‘a mole ia mei ho loto; ka ke fakamatala ia ki ho‘o fānau, mo e fānau ‘a ho‘o fānau

Ko ia ke ke ‘ilo he ‘aho ni, ‘o ke ta‘ofi ‘aki ho loto ‘a e me‘a ni, Ko Sihova ko e ‘Otua ia ‘i hēvani ‘i ‘olunga mo māmani ‘i lalo ni: ‘oku ‘ikai mo ha taha.

He ko e fe‘ia ha fu‘u pule‘anga ‘oku ai hanau ‘Otua ofi mai, ‘o hangē ko e ofi ‘a Sihova ko hotau ‘Otua ‘oka tau ka tautapa ki ai?

Ka hoko ‘a e mamahi kiate koe, pea mo‘ua koe ‘e he ngaahi me‘a na, ‘e fakakuokuonganoa ange ha taimi te ke foki mei ai kia Sihova ko ho ‘Otua, ‘o fanongo ki hono le‘o

‘E ‘ikai te mou fakalahi, pea ‘e ‘ikai te mou fakasi‘isi‘i ki he me‘a ‘oku ou tu‘utu‘uni atu, ‘i ho‘omou tauhi ‘a e ngaahi fekau ‘a Sihova ko homou ‘Otua, ‘a ia ‘oku ou kouna atu.