Popular Bible Verses from KO TEUTALŌNOME 1

Share

Ko Sihova ko homou ‘Otua ‘oku hā‘ele mu‘omu‘a kiate kimoutolu; ko ia ia te ne tau ma‘amoutolu, ‘o hangē ko ‘ene fu‘u fai ko ia ma‘amoutolu ‘i ‘Isipite–seuke, na‘a mou sio ai. ‘I he Toafa foki, ‘a ia na‘a mou mamata ai ki he fua koe ‘e Sihova ko ho ‘Otua, hangē ko e fua ‘e he tangata ‘ene tamasi‘i, ‘i he hala kotoa na‘a mou ‘alu ai, kae‘oua ke mou a‘u ki he potu ko ‘eni.

(Tauange mo Sihova, ko e ‘Otua ‘o ho‘omou ngaahi kui, ke ne fakatokolahi kimoutolu ‘o tātu‘oafe, pea ke ne tāpuekina kimoutolu ‘o hangē ko ‘ene tala‘ofa kiate kimoutolu!)

Na‘e folofola mai ‘a Sihova ko hotau ‘Otua ‘i Hōlepi, ‘o pehē, Kuo fuoloa ho‘omou nofo ‘i he mo‘unga ni

Vakai, kuo u tuku ‘a e fonua ‘i homou ‘ao: hū atu ‘o ma‘u ‘a e fonua na‘e fuakava ai ‘a e ‘Eiki ki homou tupu‘anga, kia ‘Epalahame, kia ‘Aisake, pea kia Sēkope, tokua te ne ‘atu kiate kinautolu mo honau hako ‘amui.

‘E ‘ikai te mou hūmataniu ‘i he fai ‘o e fakamaau; te mou tali tatau ‘a e si‘i mo e lahi; ‘e ‘ikai te mou toka‘i ha fōtunga ‘o ha tangata, he ko e fakamaau ko e me‘a ‘a e ‘Otua ia: pea ko e me‘a ‘oku faingata‘a fau kiate kimoutolu te mou ‘omi kiate au, ka u tali ia ‘e au.