Popular Bible Verses from Proverbios 15

Share

Chicham kakaram atsamtaikia, kajeamuka mengkakatnuitai. Antsu pajaki aimkamu amataikia, pajaki aimkamuka nuka nuna nangkamasang kajektinka nukap jurumaji.

Nekau aints wajastasar wakerinauka Yusen pengker awajsatniunka nuiminawai. Turasha: Wina pengker awajtursarti tinu ainauka eemkar: Wikia mianchawaitjai tiartinuitai.

Aints pengker chichaawa nuka numi sameka nunisketai. Tura tsuakan nunisang asa, jau ainaun pengker awajsatnuitai. Antsu anangkartinua chichamengka aintsu wakanin mesratnuitai.

Jintinkartin atsamtaikia, aints ainau ni turatniurin umiktasar wakerina nunaka umikchartinuitai. Antsu jintinkartin untsuri amataikia, aints ainau ni turatniurin umikiartin ainawai.

Aints nintijai waraak pujamtaikia, chikich aints ainau yapiin jiisar: Nuka kuntu nintimias pujawai, tusar nekaawartin ainawai. Tura wake mesekar pujuinauncha nunisarang nekaawartinuitai.

Apu Yus mash nungkanmaya pase aints ainaun tura pengker aints ainauncha jiij pujurui.

Aints kuikiartichu kuikian nukap takakchau ayat, Apu Yusen umirkauka pengker nintimias pujustinuitai. Antsu aints kuikiartin ayat, tuke itiurkachminnum pujus, pengker nintimias pujustatkama pengké tujintawai.

Aints wári kajeuka maanitan wakerawai. Antsu aints wári kajechuka: Maanikairap tawai.

Pengker nintintin ainauka inintramun aimkartas, nuna eemak nintimratjai tusar aimtsuk wajainawai. Antsu pase aints ainau nintimtsuk aya pase chichamnak chichainawai.