Popular Bible Verses from Proverbios 16

Share

Waring achat mash ame turatasam wakerame nuka Yusrum ujakta. Yus wakeramtaikia, ame turatasam wakerame nunaka mash tsangkatramkatnuitai.

Aints ainautikia iik wakerakur: Nunaka turatatjai tarining, nuna turati ta nuka Yusketai.

Aints yaitas chichaa nuna chichame wapasa yumiria tumawaitai. Tura aintsu nintin kiakartin asamtai, tsuakan nunisang wakerumaintai.

Aints ainautikia: Nunaka turatatjai tarining, Yuska aintsu turatniuri tu ati tusa ningki tsangkatkatnuitai.

Aints wári kajechuka aints kakarma nuna nangkamasang pengkeraitai. Tura aints ni kajetirin nepetkauka untsuri aintsun nepetina nuna nangkamasang pengkeraitai.

Aints: Miajuitjai ta nuka itiurkachminnum jeatnuitai. Tura meemin ainauka aneachmau tunaunum iyaarartin ainawai.

Aints ningki nintimias: Wi turaja nuka mash pengkeraitai tau wainiat, ¿waruka tu nintimua? nuka Yusek nekawai.

Yuse chichamen nintiminauka pengker aa nuna wainkartin ainawai. Tura Apu Yusen nintimsar pujuinauka nekasar warasartin ainawai.

Aints ni takatrin takakmak pujus, kuikian jumchik achia nuka nekas pengker nintimias pujustinuitai. Antsu aints chikich aints ainaun anangkak kuikian nukap juwauka pengker nintimsangka pujuschatnuitai.

Aints ainau ningki nintimsar: Ju jintan wekaaknaka, nekasan tupnik jeatatjai, tu nintiminayat, nu jintiaka jakatniunam jeakui tusar nintiminatsui.

Pase aintska aya maaniktas wakerawai. Turasha aujmakratin amikrintin ainau kajernaikiarti tusa pase nintimtikratnuitai.